Ayxan Abbasov azarkeşlərlə görüşəcək
Yaxın günlərdə "Turan Tovuz"un yeni baş məşqçisi Ayxan Abbasovun Tovuzda azarkeşlərə təqdimatı baş tutacaq.
Bundan başqa, klub rəhbərliyi tədbir çərçivəsində başqa yenilikləri də ictimaiyyətlə bölüşəcək. Söylənilənlərə aydınlıq gətimərk üçün klubun Müşahidə Şurasının sədri Oqtay Abdullayevlə əlaqə saxladıq. O söylənilənlərə belə reaksiya verdi:
“Belə fikrimiz var. Yaxın günlərdə baş məşqçi Ayxan Abbasovun azarkeşlərə təqdimatı keçirilməlidi. Sadəcə, hələ ki bu tədbir bir qədər ləngiyir. Səbəb klubun yeni mövsüm üçün büdcəsinin təsdiq olunmamasıdı. Bu gün (dünən) məsələ ilə bağlı AFFA-nın baş katibi Sərxan Hacıyevlə əlaqə saxladım. Baş katib növbəti həftənin ikinci gününə kimi bütün suallara aydınlıq gələcəyini bildirdi. Büdcə təsdiq olunandan sonra Ayxan müəllimlə Tovuza yollanacağıq. Onun təqdimat mərasimini keçirmək fikrimiz var”.
Abdullayev bizimlə söhbətdə tovuzlu iş adamlarına müraciət etməyi də yaddan çıxarmadı:
“Ötən dəfə sizin vasitənizlə tovuzlulara müraciət etmişdim. Fürsətdən istifadə edib yenə üzümü rayonun iş adamalarına tutmaq istəyirəm: bu komanda premyer-liqada Tovuzu təmsil edəcək, pisi də, yaxşısı da rayonun adı ilə bağlı olacaq. İmkan daxilində komandaya sahib çıxın, yardım edin. Sabah çempionatda zəif çıxış edəndə heç kim “belə komanda kimə lazım idi” deməmək üçün bu gündən ianə kamapaniyasına qoşulsun. Qoşulun ki, rayonun futbol ənənələrinə uyğun komanda, mübarizəyədavamlı heyət formalaşdıraq. Ümid edir və inanıram ki, bu çağırışım qarşılıqsız qalmayacaq, tovuzlular “Turan Tovuz ”un yanında olacaq”.
RƏŞAD
Digər xəbərlər
