Kadi özünü tam hazır hiss edir - AÇIQLAMA
"Qarabağ"ın Kadi Borges klubun rəsmi saytına açıqlama verib.
"Football-plus.az" xəbər verir ki, 24 yaşlı yarımmüdafiəçi istirahətdən sonra təlim-məşq toplanışına hazır olduğunu deyib:
“İstirahət etmək üçün günümüz çox olmasa da, az vaxtdan səmərəli istifadə etməyə çalışdıq. Həyat yoldaşım hamilə olduğu üçün Braziliyaya yollana bilməzdik. Çünki yol uzun müddətlidi. Bu səbəbdən istirahətimizin bir hissəsini Azərbaycanda keçirtdik. Daha sonra 5 günlük Dubaya yollandıq və orda dincəldik. Ümumiyyətlə, hər şeydən razı qaldıq. İndi isə yeni mövsümün hazırlığını gözləyirik. Özümü toplanışa tam hazır hiss edirəm”.
Digər xəbərlər
