AL-i qazanan məşqçidən ''Fənərbaxça'' etirafı
Avropa Liqasını qazanmaqla son 42 ildə ilk dəfə Avropada titul əldə edən Frankfurt ''Ayntraxt''ın baş məşqçisi Oliver Qlasnerin ''Fənərbaxça'' ilə bağlı etirafı diqqət çəkib.
Qrup mərhələsinin ilk turunda ''Ayntraxt'' evdə ''Fənər''lə qarşılaşmış və 1 xal qazandığına şükür etmişdi. Çünki matçın son saniyələrində qonaqların yunanıstanlı vingeri Pelkas penaltidən yararlana bilməmişdi. Qlasnerin sözlərinə görə məhz həmin oyundan sonra komandanın özünəinamı artdı: ''Avropada bizi zəfərə aparan yolun ən vacib anlarından biri elə ilk matçda yaşandı. Öz meydanımızda ''Fənərbaxça''ya qarşı keçirdiyimiz görüş psixoloji cəhətdən bizə böyük ruh yüksəkliyi verdi. ''Volfsburq''dan qalan cəzam üzündən həmin oyunu tribunadan izləmək məcburiyyətində idim. Oyunumuz da yaxşı alınmırdı. Matç bitmək üzrə olarkən qapımıza penalti təyin olundu. Qapıçımız Trapp zərbəni dəf etdi. Berişa qayıdan topu tora göndərsə də, hakim onun zərbədən öncə cərimə meydançasına daxil olduğunu bildirərək qolu qeydə almadı. Oyun 1:1 hesabı ilə bitdi. Məhz həmin oyundan etibarən özümüzə olan güvənimiz artdı və sonrakı matçlarda bizi artıq heç kim yenə bilmədi''.
Qeyd edək ki, ''Ayntraxt''la ''Fənərbaxça'' arasında həm Almaniyada (1:1), həm də Türkiyədə (2:2) keçirilən oyun bərabərliklə nəticələnmişdi.
Digər xəbərlər
