“Qarabağ” italyanla danışıqlar aparır - ÖZƏL AÇIQLAMA
İtaliyalı yazar Emmanuele Culianellinin “Qarabağ” haqda yazdığı kitab 2018-ci ildə italyan dilində təqdim edilib.
Bir neçə gün öncə isə müəllif şəxsi “tvitter” hesabında kitabın ingilis dilinə də tərcümə olunduğunu bildirib. Bu versiya bu ilin martında işıq üzü görüb. Onu da qeyd edək ki, “Qarabağ” – şəhəri olmadan Avropanı fəth edən komanda” kitabının qiyməti 16,99 funt sterlinqdi (təxminən 35 manat).
Görəsən, kitab niyə hələ də Azərbaycan dilinə tərcümə olunmayıb? Ölkəmizdə nə vaxt satışa çıxarılacaq?
Bu suallara aydınlıq gətirmək üçün “Qarabağ”ın mətbuat katibi Gündüz Abbaszadə ilə əlaqə saxladıq. Onun “Football-plus.az” saytına açıqlaması belə oldu: “Bu kitab “Qarabağ”ın sifarişi ilə hazırlanmayıb. Müəllif italiyalıdı. “Qarabağ” 2017-ci ildə Çempionlar Liqasına vəsiqə qazanandan sonra italyan dilində dərc olunub. Bir neçə gün öncə isə ingilis dilində də çap olundu. Hazırda müəlliflə danışıqlar gedir. Amma bu istiqamətdə hələ ki irəliləyiş yoxdu. Təxmini vaxt deyə bilmərəm. Lakin istəyirik ki, ana dilimizdə də çap olunaraq satışa çıxarılsın”.
ŞAİR ABDULLA
Digər xəbərlər
