Yürgen Klopp İngiltərə kubokunun tarixinə düşüb.
“Liverpul”un çalışdırıcısı bu turnirin qalibi olan ilk alman mütəxəssis olub. Onun komandası “Çelsi”ni qolsuz başa çatan final matçından sonra qaçılmaz olan penalti seriyasında 6:5 hesabı ilə üstələyib.
Onu da qeyd edək ki, “Çelsi” İngiltərə kubokunun tarixinə ardıcıl üç finalda uduzan ilk komanda kimi düşüb. Paytaxt komandası 2020-ci ildə “Arsenal”a (1:2), 2021-ci ildə isə “Lester”ə (0:1) məğlub olmuşdu.