Donnarumma: “Ya Navas, ya da mən”
Canluici Donnarumma bu yay PSJ-ni tərk edə bilər.
İtalyan qapıçı komandanın digər qolkiperi Keylor Navas ilə aralarındakı rəqabətdən danışarkən bu varianta işarə vurub. 23 yaşlı Canluici mövsümün sonunda ya özünün, ya da Navasın PSJ-dən ayrılacağını deyib:
“Keylorla çox yaxşı münasibətim var, biz pis adamlar deyilik. Rəqabətimizlə bağlı bütün vəziyyəti başa düşürük. Lakin bu çətindi. Bu mövsüm üzərimizə düşən yükün öhdəsindən yaxşı gəlmişik, vəzifələri öz aramızda bölüşdürmüşük. Növbəti mövsümdə yenidən bu səviyyəli rəqabətə sahib olmaq istəyib-istəmədiyimi soruşsanız, klubun seçim etməli olacağını və ikimizdən birinin PSJ-ni tərk edəcəyini deyərdim”.
Digər xəbərlər
