Ronaldo ÇL-də oynamamaq aqibəti ilə barışıb
Deyəsən, Kriştiano Ronaldo gələn mövsüm Çempionlar Liqasında oynamamaq aqibəti ilə barışıb.
“Mançester Yunayted”in ulduz futbolçusu Erik Ten Haqın komandaya təyinatını şərh edərkən iş yerini dəyişmək istəmədiyinə işarə vurub. Qeyd edək ki, niderlandlı mütəxəssis bu mövsümün sonunda “Ayaks”dan ayrılaraq İngiltərə klubunun baş məşqçi vəzifəsini qəbul edəcək. 37 yaşlı Ronaldo onun təyinatı ilə bağlı bu fikirləri bildirib:
“Onun haqqında bildiyim odu ki, “Ayaks”da heyrətamiz işlər görüb. Təcrübəli məşqçidi. Amma yeni komandada ona vaxt lazım olacaq. O, lazımi dəyişiklikləri etməlidi. Əlbəttə, ümid edirəm ki, uğur qazanacağıq. Ten Haqa uğurlar arzulayıram. Biz xoşbəxtik və növbəti mövsümü səbirsizliklə gözləyirik. Bunu yalnız futbolçular yox, həm də azarkeşlər gözləyirlər. Ümid edirəm ki, növbəti mövsüm Ten Haqla birlikdə kuboklar qazanacağıq”.
Digər xəbərlər
