Türkiyə çempionatının 35-ci turunda nəhayət, çempionunadına aydınlıq gəldi.

''Trabzonspor'' doğma meydanda ''Antalyaspor''la 2:2 bərabərə qaldı. Sona 3 tur qalmış Trabzontəmsilçisi ən yaxın izləyicisi ''Fənərbaxça''nı 9 xal qabaqlayır. Şəxsi oyunlarda ''Fənər''dən üstün olduğu üçün ''Trabzonspor'' çempionluğu rəsmiləşdirdi. Komanda son 38 ildə birinci, tarixinin 7-ci çempionluğunu qazandı. Qaradənizlilər daha öncə 1975/76, 1976/77, 1978/79,1979/80, 1980/81 və 1983/84 mövsümlərində hamıdan üstün olmuşdu.Abdulla Avcı da məşqçi karyerasının ilk çempionluğunu və ikinci titulunu qazandı. Bundan başqa trabzonluların üzvü Dorukhan Toköz də adını tarixə yazdırdı. Ötən mövsüm ''Beşiktaş''la, bu il ''Trabzonspor''la zəfər yaşayan 25 yaşlı universal futbolçu Türkiyə çempionatında ardıcıl 2 il fərqli komandalarla çempion olan 2-ci futbolçu kimi tarixə düşdü. Daha öncə bunu 2001/02-də ''Qalatasaray'', 2002/03-də ''Beşiktaş''la çempion olan Sərgən Yalçın bacarmışdı.

ƏLİ RAUFOĞLU