Premyer-liqada 24-cü turun oyunları keçirilib.

"Səbail" "Neftçi"ni qəbul edib - 0:1. Qonaqların baş məşqçisi Samir Abasov oyundan sonra mətbuat konfransında iştirak edib. Çalışdırıcı görüş haqda bunları deyib:

- Zədlilərdən kimlərin kubok oyununda çıxış etməyəcəyi dəqiqdi?

- Sadaladığım şəxslər zədəlidi. Hələ bəlli deyil ki, oynaya biləcəklər, ya yox. Bəzi oyunçular var ki, sabah təkrar müayinəyə göndəriləcək. Vəziyyətimiz yaxşı deyil. Bu oyuna kimi çalışırdım ki, bəlkə nikbin yanaşam duruma. Amma bu oyun məni narahat etdi. Əsas heyətin oyunçularının olmadığı təqdirdə nələr ola bilər? Bu məni çox narahat edir. Çıxış yolumuz yoxdu.

- Dediniz ki, komandanız təzyiq altında idi. Komandanın xal itirməsi "Qarabağ"ın çempionluğunun rəsmiləşməsi idi. Buna görə idi təzyiq?

- "Qarabağ" artıq çempiondu. Bunu gizlətməyək. Biz xal itirsək də, itirməsək də bu, belədi. İki komandanın digər rəqiblərə qarşı oyunu göz qabağındadı. Mən nə desəm də, siz baxırsız, görürsüz. Məqsədimiz var idi ki, seriyamızı davam etdirək, kubok oyunöncəsi əhvalımız yaxşı olsun. Çünki düşünürdüm ki, bu qədər itki ilə necə olacaq? Şükürlər olsun ki, qələbə qazandıq. Növbəti oyunlara hazırlaşacayıq.

- Ömər Buludovun qırmızı vərəqə almasını oyun epizodu sayırsız?

-Oyun epizodu saymıram. "Neftçi"nin futbolçusu belə hala icazə verməli deyil. Demək ki, o futbolçu o qədər təzyiqin altındadı ki, sənin sarı vərəqən var. Adi epizodda rəqibi dartırsan və haqlı olaraq qırmızı kart alırsan. Həmin dəqiqə düşdüyün epizodu analiz edə bilmirsənsə... Bizə nə qədər çətindi anlayın.