Bolqarıstanın paytaxtı Sofiyada keçirilən gənc boksçular arasında Avropa birinciliyində final döyüşlərinə start verilib.

"Football-plus.az" saytının məlumatına görə, çempionluq uğrunda mübarizədə rinqə ilk olaraq milli üzvü Kənan Babayev (48 kq) çıxıb.
Türkiyəli Tələt Yağlı, gürcüstanlı Oruc Əhmədov və irlandiyalı Tedi Coysu məğlub edən ölkə çempionu həlledici döyüşdə polşalı Nikolas Marsel Pavliklə qarşılaşıb. Uğurlu seriyanı davam etdirən Babayev bu dueldən də qalib ayrılıb – 5:0 (29:28, 29:28, 29:28, 30:27, 29:28). Bununla da boksçu Avropa çempionu tituluna yiyələnib.
Beləliklə, yığmamız 40 ölkədən 400-dən çox boksçunun qatıldığı yarışı 1 qızıl və 1 bürünc medalla başa vurub. Daha öncə Amin Məmmədzadə (51 kq) 3-cü yeri tutub.