Luis Suares “Etihad” stadionunda təqdirəlayiq hərəkəti ilə diqqəti cəlb edib.

“Atletiko”nun hücumçusu rəqibə və onun rəmzlərinə hörmət edən idmançı nümunəsi göstərib. Hadisə Çempionlar Liqasının 1/4 final mərhələsinin çərşənbə axşamı İngiltərədə “Mançester Siti”yə qarşı keçirilən ilk oyunundan əvvəl baş verib. Uruqvaylı futbolçu stadiona daxil olarkən klubun yerə həkk olunan loqosunun üzərinə ayaq basmamaq üçün bir neçə addım sola çəkilərək hərəkət edib.

O, bundan sonra oyundaşlarına səslənərək onları rəqib komandanın atributuna hörmət etməyə və loqonu tapdalamamağa çağırıb.