Bu mövsüm Teo Ernandeslə müqaviləni yeniləyən “Milan” daha bir oyunçusu ilə anlaşıb.

İtaliya klubu tezliklə İsmael Bennaserlə də “nigah təzələyəcək”. Rəhbərlik əlcəzairli yarımmüdafiəçi ilə razılıq əldə edib. Bennaserin yeni sözləşməsinin müddəti 2026-cı ilin yayına qədər nəzərdə tutulub.

24 yaşlı futbolçu “Milan”da 2019-cu ildən çıxış edir. İsmael bu mövsüm bütün turnirlərdə iştirak etdiyi 33 oyunda 2 qol vurub və 2 qolun ötürməsini verib.