İki qol vurdu, həftənin ən yaxşısı seçildi

Konfrans Liqasında həftənin ən yaxşı futbolçusu müəyyənləşib.

1/8 finalın ilk matçlarından sonra UEFA-nın saytında keçirilən səsvermədə Pep Byel qalib gəlib. “Kopenhagen”in ispaniyalı yarımmüdafiəçisi PSV ilə səfər oyununda (4:4) komandasına iki qol və bir məhsuldar ötürmə ilə faydalı olmuşdu.

25 yaşlı futbolçu səsvermə nəticəsində “Marsel”in hücumçusu Arkadiuş Miliki, “Roma”nın qapıçısı Ruy Patrisiunu və “Feyenoord”un hücumçusu Luis Sinisterranı qabaqlayıb.