Misli premyer-liqasının 30-cu turunda “Turan Tovuz” səfərdə “Qarabağ”a məğlub oldu – 1:2.

“Football-plus.az” xəbər verir ki, oyunsonrası mətbuat konfransında qonaqların baş məşqçisi Kurban Berdıyev media önünə çıxıb.

- Ağır oyun oldu. Uzun müddət üstünlük rəqibdə idi. İkinci hissənin əvvəlində buraxılan iki qol oyunumuza təsir etdi. Cəhd etdik, amma alınmadı.

- Denis Marandiçinin durumu necədi, aqibəti necə olacaq?
- Əməliyyat olunub. Ümid edirəm ki, gələn mövsüm qayıdar.

- Çoxlu qol imkanını əldən verdiz...
- Həyəcanla bağlı idi. Ələ düşən şanslardan istifadə edə bilmədik.

- Buraxılan qollarda qapıçını günahlandırırsız?
- İkinci qol səkən top idi. İlk qol isə ustalıq idi.

- İkinci yer uğrunda oyunda motivasiya yetərincə idi?
- Bəli, həyəcan var idi. Nəzəri baxımdan şansımızın olması həyəcan yaratdı.

MÜZƏFFƏR QULUZADƏ