“Şimal” həqiqətən də güclənib. İlk iki dövrədə bu komanda üzərində oyunlarda qələbə qazanmışdıq - 4:1, 1:0. Plan, hazırlıq qələbə üçün idi. Yaxşı da hazırlaşmışdıq. Oyunun 75-80 dəqiqəsi üstünlüyümüz şəraitində keçdi. Qol imkanlarımız oldu, qapı qarşısından “çərçivə”yə düşmək alınmırdı. Rəqib yarım qol epizodundan hesabı açmağı bacardı. Sona qədər də hesabı qorudular. Futbol xoşbəxtliyi yanımızda deyildi. “Mingəçevir”in məğlub olduğunu nəzərə alsaq, qələbə qazanaraq böyük üstünlük əldə edəcəkdik. Heç nə itirməmişik. Hər komandanın öz hədəfi var. İki həftə əvvəl biz, ötən həftə “Mingəçevir”, indi isə “Səbail” ikincidi. Qarşıda 4 tur var. Çalışacağıq ki, xeyrimizə dəyişiklik olsun. Uşaqlar da oyundan sonra pis olmuşdu”.