“Verder” – “Bavariya” oyununda Harri Keyn peşəkar karyerasındakı 500-cü qolu vurdu. Özü-özlüyündə möhtəşəm rəqəmdi, ancaq onun arxasında fundamental məna da yatır: Keyn bu həddə çatan ilk ingilis futbolçudu! Üstəlik bu zirvəni Kriştiano Ronaldodan daha tez fəth edib – portuqaliyalı 500-cü qolu 753-cü oyunda vurmuşdusa, Harri 743-cü oyunda bacardı. Messi isə bu göstəricidə hər ikisini qabaqlayır – cəmi 632 oyun.

"Football-plus.az" xəbər verir ki, Leo məhsuldar ötürmələrə planında da hamıdan üstündü.

Keyn, Ronaldo və Messinin karyerasındakı 500-cü qol
qol oyun yaş ötürmə sayı
Harri Keyn 500 743 32 yaş 6 ay 110
Kriştiano Ronaldo 500 753 28 yaş 11 ay 132
Lionel Messi 500 632 28 yaş 9 ay 185

Dahilərlə müqayisə
İndi çoxlarını düşündürən sual budu – Keyn karyerasındakı qol sayına görə 41 yaşlı Kriştianoya çata bilərmi? Hazırda hesabında 962 qol olan portuqaliyalı əfsanə gözəl görünən 1000 rəqəminə yaxınlaşır. İlk baxışdan fərq hədsiz böyük görünür. Ronaldo 500-cü olqu 2014-cü il yanvarın 15-də - “Selta” ilə oyunda vurub, həmin vaxt 29 yaşını tamamlamağa az qalırdı. Keyn isə artıq 32 yaşı adlayıb. Harri artıq 15 ildi peşəkar səviyyədə çıxış edir, 2011-ci ilin yanvarında vurduğu ilk qoldan bu qədər müddət ötüb. Sadəcə, quru rəqəmləri götürsək, ingilis bombardirə 1000-ə çatmaq üçün yenə də eyni müddət lazımdı. Deməli, 47 yaşa qədər oynamaq lazım gələcək ki, bu da inandırıcı deyil. Digər tərəfdən, əksər bombardirlər 30 yaşı ötəndən sonra daha çox qol vurmağa başlayır (İbrahimoviçin və elə həmin Ronaldonun nümunəsi ortadadı). Yəni Keyn bunu daha az vaxt ərzində də bacara bilər. Ancaq istənilən halda ingiltərəli hücumçu oyunçu karyerasını minimum 40 yaşa qədər davam etdirməyin təməlini atmalıdı. Dözəcəkmi?

Hər halda, Keyn “Tottenhem”in və İngiltərə yığmasının bombardiri olmaqla futbol tarixinə düşüb. Onun bu göstəricilər üzrə rekordları hələ uzun müddət yaşayacaq.

İngiltərə yığmasının tarixindəki bombardirlər
futbolçu qol
Harri Keyn 78
Ueyn Runi 53
Bobbi Çarlton 49
Harri Lineker 48
Cimmi Qrivz 44

Ancaq əsas məqam budu ki, Keyn məhz bu mövsüm ingilislər arasında 1 saylı bombardirə çevrildi. O, nə vaxtsa iştirak etdiyi bütün yarışlarda qol vurdu (135 komanda ilə oyunda fərqlənib). Əlbəttə, uzaq keçmişin ulduzları ilə müqayisə aparmaq həmişə çətindi – hansı oyunların rəsmi, hansı oyunların qeyri-rəsmi xarakter daşıdığını müəyyənləşdirmək olmur. “The Athletic” yoldaşlıq oyunlarını çıxmaq şərti ilə bütün qolları saydığını iddia edir.

tarixdə ən çox qol vuran ingilislər
futbolçu qol
Harri Keyn 500
Cimmi Qrivz 473
Stiv Blumer 412
Alan Şirer 409
Diksi Din 396

Ancaq Keynin İngiltərə premyer-liqasının bombardirləri siyahısında Alan Şireri arxada qoyması çətin olacaq. Hərçənd “Bavariya”dan vətənə dönüşü də istisna etməməliyik. Harri İngiltərədə hələ rahatca 3-4 mövsüm də oynaya, “Sauthempton”, “Blekbern” və “Nyukasl”ın əfsanəvi bombardirini arxada qoya bilər. Keyni Şirerdən 47 top ayırır.

premyer-liqa tarixinin bombardirləri
futbolçu qol
Alan Şirer 260
Harri Keyn 213
Ueyn Runi 208
Məhəmməd Salah 190
Endi Koul 187

Bəs “Bavariya” tarixinin bombardirləri siyahısında vəziyyət necədi? Keynin Herd Müllerə çatması mümkünsüz görünür – uçurun hədsiz dərindi. Klub tarixinin bombardirləri sıyahısında ilk “10-luğ”a düşməsi tam realdı. İngiltərəli bombardir Covane Elberdən cəmi 14 top geridədi.

“Bavariya” tarixinin bombardirləri
futbolçu qol hər oyuna orta hesabla
1. Herd Müller 570 0,93
2. Robert Levandovski 344 0,92
3. Tomas Müller 250 0,33
4. Rayner Olhauzer 229 0,64
5. Karl-Haynts Rummenigge 217 0,51
...11. Harri Keyn 126 0,96

Beynəlxaql Futbol Tarixi və Statistikası Federasiyasının (BFTSF) hesablamasına görə, Keyn peşəkar oyunlarda 500 qol vurmağı bacaran 27-ci futbolçudu. Qurumun siyahısına düşənlərdən Harri ilə yanaşı, Kriştiano Ronaldo, Lionel Messi, Robert Levandovski, Luis Suares və Kərim Benzema da hələ karyerasını davam etdirir.

Keynin qollarının xarakteristikası
qolun növü sayı
cərimə meydançası daxilindən 449
cərimə meydançası xaricindən 51
penaltidən 100
sağ ayaqla 318
sol ayaqla 86
başla 94
çiyinlə 1
əllə 1

Keyn təkcə bombardir deyil – meydanda hər şeyi bacarır
Əlbəttə, Keyn möhtəşəm statistikaya malik olan dahi hücumçudu. Ancaq meydandakı rolu onu daha unikal futbolçuya çevirir. Harri birbaşa öhdəlikləri ilə kifayətlənmir, “Bavariya”nın oyununun istənilən mərhələsinə təsir göstərir. Öz cərimə meydançasının yaxınlığında müdafiə olunur, hücumlara yön verir, müntəzəm dayaq zonasına çəkilərək topla oynayır.

Keynin bundesliqada uzun ötürmələrin sayına görə 32-ci yerdə ibrətamiz göstəricidi, başqa heç bir hücumçu bu qədər çox ötürmə vermir. Bu, əsasən topa çox nəzarət edən “Bavariya”nın oyun tərzi ilə bağlıdı, buna baxmayaraq, Harrinin hərəkət göstəriciləri adamı heyran edir. Keyn özü Vensan Kompaninin rəhbərliyi altında düşüncə və oyunun axarına təsir planında əhəmiyyətli dərəcədə “artırdığınə” vurğulayır. “Tottenhem”də o, həm də oyun qurucusu kimi oynayıb, Son Hın Minin və ya Lukas Mouranın irəli sıçramasına şərait yaradıb, Almaniyada isə bu rolu tama dominant hala gəlib.

Lotar Matteusun da fikri maraqlıdı: