Yuri Vernidub gələndən sonra məğlubiyyətin nə olduğunu bilməyən “Neftçi” yenidən avrokuboklar mübarizəsinə qayıtdı. “Ağ-qaralar” hazırda 30 xalla turnir cədvəlininin 7-ci pilləsində qərarlaşıb.

İrəlidə olan “Araz-Naxçıvan” da eyni xala malikdi, qələbə sayına görə 6-cı, “Sumqayıt” 30 xalla 5-ci və “Turan Tovuz" 34 xalla 4-cü yeri tutur. Yəni “Neftçi”ni 4-cü pillədən cəmi 4 xal ayırır. “Zirə” 21-ci turda “Azərsun Arena”da “Turan Tovuz” ilə, “Sumqayıt” evdə “Qəbələ” ilə qarşılaşacaq. “Araz-Naxçıvan” “Neftçi” ilə eyni xal toplasa da, istər klub, istərsə də komandadaxili məlum problemlər, oyun və nəticənin olmaması artıq Muxtar Respublika təmsilçisini bu yarışdan uzaqlaşdırmaqdadı.

Kəsəsi, “ağ-qaralar” sabitliyi qoruya bilsə, avrokuboklara da düşər, mükafatçılar sırasına da!

MÜZƏFFƏR QULUZADƏ