“Bakı”nın yetirməsi olan, karyerasının böyük hissəsini “Neftçi”yə həsr edən Rəhman Hacıyev yayda keçdiyi “Səbail”dən ayrılıb. Artıq onun yeni klubu da bəllidi - “Kəpəz”.

32 yaşlı yarımmüdafiəçi “Səbail”ə keçəndə “1+1” illik müqavilə imzalamışdı. İndi mövsümün ortasında “dənizçilər”dən ayrıldı.

Bəs Bayıl təmsilçisi bu keçiddən pul qazana bilibmi?

Klubun mətbuat xidmətinin rəhbəri Rəşad Məmmədovla əlaqə saxladıq. Onun dediyinə görə, “Səbail” bu transferdən heç bir vəsait qazanmayıb, müqaviləyə qarşılıqlı razılıq əsasında xitam verilib.

MÜZƏFFƏR QULUZADƏ