Krosbi Ayzermanın rekordunu təkrarladı
“Edmonton”un hücumçusu və kapitanı Konnor Makdevid klubla yeni müqavilə imzalayıb.
"Football-plus.az" xəbər verir ki, ulduz hokkeyçinin hər il üçün 12,5 milyon dollar əməkhaqqı almasını (əvvəlki – 8 illik müqavilənin şərti də belədi) nəzərdə tutan ikiillik müqavilə 2026/27 mövsümündən qüvvəyə minəcək. Xatırladaq ki, “Edmoton” Makdevidi 2015-ci ilin draftında 1 nömrə altında seçib. 28 yaşlı kanadalı həmin vaxtdan bəri müntəzəm çempionatda keçirdiyi 713 oyunda 1083 (361+722) xal toplayıb. Pley-offda isə 96 oyuna çıxıb, 44 qol vurub, 106 məhsuldar ötürmə verib.
Makdevid yeni müqavilə ilə bağlı bunları deyib:
“Düşünürəm ki, bu sövdələşmə hər iki tərəf üçün sərfəlidi. Müqavilə çoxdan burda olan əsas heyət oyunçularına, eləcə də sonradan bura gələnlərə hansısa xüsusi olayın bir hissəsi olmaq şansı yaradır. Komandanın potensialını reallaşdırması baxımından mənim üçün də vacibdi. Uzunmüddətli müqavilə bağlamağa hazırlaşmırdıq, bu üzdən iki il yetərincə məntiqlidi. İtim Lenni bu pullardan sonra aclıq çəkməyəcək, hər şey yaxşı olacaq. Əsas hədəf qalib gəlməkdi, düşünürəm ki, bu sövdələşmə hər iki tərəfə axtardığını verəcək. Düşünürəm ki, hər kəs klubumuzun olduğu vəziyyəti anlayır. Biz qalib gəlmək istəyirik. Müqaviləm bunu sürətləndirəcəksə, xoşbəxt olaram”.
Oktyabrın 7-dən 8-nə keçən gecə MHL-də yeni mövsüm start götürüb. İlk üç gündə keçirilən oyunlarla bağlı bəzi maraqlı məqamlar var. “Pittsburq”un kapitanı Sidni Krosbi bu statusla keçirdiyi mövsümlərin sayına görə “Detroyt”un sabiq forvardı Stiv Ayzermanın rekordunu təkrarladı. 2025/26 38 yaşlı kanadalı üçün “pinqvinlər”in kapitanı kimi ardıcıl 19-cu mövsüm oldu. Krosbi sarğını 2007/08 mövsümündən bəri daşıyır. Ayzerman da “Red Uinqz”in heyətində məhz bu qədər mövsümü kapitan kimi keçirib.
Bu arada Neytan Makkinnon “Kolorado” tarixinin bombardirinə çevrildi. 30 yaşlı kanadalı hücumçu oktyabrın 8-də keçirilən “Los-Anceles”lə oyunda iki xal topladı. O, xal sayını 1017-yə (367+650) çatdırmaqla Co Sakikin rekordunu (1015) yenilədi. Ancaq burda nəzərə alınmalı olan bir məqam var. 1972-95-ci illər aralığında “Kvebek Nordiks” adlanan komandanın da nəticələrini göstərsək, onda Makkinnon bombardirlər siyahısında 3-cü pillədə qərarlaşar. Belədə Sakiklə (1641 xal – 625+1016) Peter Ştyastnıdan (1048 – 380+668) geri qalacaq.
8 oktyabr
Florida – Çikaqo 3:2 (2:1, 0:1, 1:0)
Reyncers – Pittsburq 0:3 (0:1, 0:0, 0:2)
Los-Aneceles – Kolorado 1:4 (0:0, 0:3, 1:1)
9 oktyabr
Toronto – Monreal 5:2 (1:1, 1:1, 3:0)
Vaşinqton – Boston 1:3 (0:0, 0:1, 1:2)
Veqas – Los-Anceles 3:4 B (0:1, 1:2, 0:1, 0:0)
Edmonton – Kalqari 5:6 B (0:1, 3:1, 2:2, 0:0)
10 oktyabr
Baffalo – Reyncers 0:4 (0:1, 0:0, 0:3)
Boston – Çikaqo 4:3 OT (1:1, 1:1, 1:1, 1:0)
Detroyt – Monreal 1:5 (1:3, 0:2, 0:0)
Karolina – Nyu-Cersi 6:3 (1:0, 1:2, 4:1)
Pittsburq – Aylenders 4:3 (1:1, 2:2, 1:0)
Tampa-Bey – Ottava 4:5 (3:1, 0:2, 1:2)
Florida – Filadelfiya 2:1 (0:0, 1:1, 1:0)
Vinnipeq – Dallas 4:5 (1:2, 0:0, 3:3)
Neşvill – Kolambus 2:1 (1:1, 0:0, 1:0)
Sent-Luis – Minnesota 0:5 (0:2, 0:2, 0:1)
Kolorado – Yuta 2:1 (1:0, 0:1, 1:0)
Vankuver – Kalqari 5:1 (1:0, 0:0, 4:1)
San-Xose – Veqas 3:4 OT (1:1, 1:1, 1:1, 0:1)
Sietl – Anahaym 3:1 (1:1, 1:0, 1:0)
Digər xəbərlər
