“Barselona”nın planı yenə baş tutmayıb.

İspaniyanın son çempionu La Liqanın 6-cı turunun “Xetafe”yə qarşı keçirəcəyi ev oyununu “Kamp Nou” stadionunda keçirə bilməyəcək. Klubun yaydığı bəyanatda “Barselona”nın stadionun yaxın günlərdə rəsmi açılışı üçün zəruri inzibati icazələrin alınması istiqamətində fəal işini davam etdirdiyi, bu səbəbdən oyunun Yohan Kroyff adına stadionda keçiriləcəyi bildirilib.

Bir müddət əvvəl klubun institusional inkişaf üzrə vitse-prezidenti Elena Fort komandanın “Xetafe”ni bərpa olunmuş “Kamp Nou”da qəbul edə biləcəyini demişdi. “Barselona” son iki mövsümdə Luis Kompanis adına Olimpiya stadionunda çıxış edib.