“Bu oyun haqda danışmaq çox çətindi. Çünki ilk mərhələdən sonra müəyyən eyforiya var idi. “Aris”lə oyundan sonra “Omoniya” ilə oyuna hazır ola bilmədilər. Oyun planında düzgün oynamadılar. İqor Ribeyronun yoxluğu da təsir etdi. “Aris”lə oyunlara nisbətdə “Araz-Naxçıvan” istəkli görünmürdü. Çox şeyi deyə bilməyəcəm. Bunu unutmaq, çempionata hazır olmaq lazımdı. Bunu yaddan çıxara bilməsələr, çempionata da yaxşı başlaya bilməyəcəklər. Komandada yaxşı futbolçular var, amma onlar başa düşməlidilər ki, “Araz-Naxçıvan” “Omoniya”dan 9 top buraxmalı deyil. Keçmiş keçmişdə qaldı. Bəli, çarter reysi ilə səfərə çıxa bilməmək də təsir etdi. Nüanslar çoxdu, təəssüf ki, belə alındı. Yenə də komanda iki oyuna doqquz top buraxmamalıydı, mən belə düşünürəm”.

“Araz-Naxçıvan”ın “Aris”i keçməsi normal oldu. Bəlkə “Aris” tam komplektləşməmişdi, bəlkə “Araz-Naxçıvan”ı ciddiyə almadılar. “Omoniya” isə oturuşmuş komandadı. Bu da təcrübə idi. Amma dünya futbolunda debütantların ciddi uğurlarını görmüşük. Belçikanın “Mexelen” klubu var idi. İlk dəfə qatıldığı Kuboklar Kubokunun qalibi olmuşdu, hətta Superkuboku da qazanmışdı. Tarixdə belə nümunələr var. Amma o “Mexelen” idi, bu “Araz-Naxçıvan”. Müdafiə bir az zəifdi. Hətta deyərdim ki, yox dərəcəsindədi. Buraxılan qollar göz önündədi. Nəzərə alaq ki, dörd oyunda 12 top buraxıldı. Bəlkə “Omoniya” yox, bir az zəif rəqib olsaydı, “diş göstərmək” olardı. Komandanın Avropa təcrübəsi yoxdu. “Araz-Naxçıvan”dan bundan artığını gözləmək doğru olmaz. İlk mərhələdəki qələbə də komandanı eyforiyaya saldı”.