"Araz-Naxçıvan" bu gün Konfrans Liqasında 2-ci təsnifat mərhələsinin ilk matçında "Aris"i 2:1 hesabı ilə məğlub etdi.

"Football-plus.az" xəbər verir ki, oyundan sonra keçirilən mətbuat konfransında "Aris"in baş məşqçisi Marinos Ouzounidis jurnalistlərin suallarını cavablandırdı.

- Bizim üçün pis nəticədi. Qol vurduqdan sonra oyuna nəzarəti itirdik. Daha soyuqqanlı oynamalı idik. Üçüncü qolu da buraxa bilərdik. Bizim üçün qəbuledilməzdi. İkinci hissədə əziyyət çəkəcəyimizi bilirdik. Bu oyunu unudub, növbəti matça hazırlaşmalıyıq.

- "Araz-Naxçıvan" bütün komponentlərdə rəqibi üstələyərək layiqli qələbə qazandı. Siz də bu fikirdəsiz?
- Bəli, razıyam.

- Bir həftə ərzində nəyisə dəyişmək mümkündü, yoxsa analizdə hansısa səhvlər buraxmısız deyə, artıq gecdi?
- Tamamilə fərqli oyun olacaq, görəcəksiz.

- Cavab görüşündə nəyə ümidlisiz?
- İkinci oyunda daha yaxşı olacaq. Bizim bir həftə vaxtımız var. Fiziki cəhətdən bəzi oyunçuların vəziyyəti yaxşı deyildi. Ona görə belə halları gözləyirdik. Təcrübəli oyunçularımız var. Onların yaxşı reaksiya verəcəyini gözləyirəm. Buraxılan qollarda səhvlərə imza atdıq.

- Futbolçularınız kobud davranış göstərirdi. Bu, sizin oyun stilinizdi, yoxsa uduzurdunuz deyə, belə davranırdız? Üstəlik, bu məqam cavab görüşündə futbolçularınıza psixoloji cəhətdən necə təsir edəcək?
- Biz rəsmi oyun oynayırıq. Bu da normal haldı. İkinci oyunda soyuqqanlı olmalıyıq. İşləyəcəyimiz detallar var.

- "Araz-Naxçıvan"ın avrokuboklarda debütant olması sizə çətinlik yaşatdı?
- Məncə, böyük problem komandamızda idi. Rəqibin necə oynayacağını bilirdik. Daha böyük problem bizim komandada idi. Birinci oyunda istədiyimiz nəticəni əldə edə bilmədik. Cavab görüşündə azarkeşlərimizlə birlikdə qələbə qazanaraq, növbəti mərhələyə vəsiqə qazanmaq istəyirik.