“Zirə” Misli premyer-liqasının 32-ci turunda “Kəpəz”i məğlub etdi- 0:1.

“Football-plus.az” xəbər verir ki, oyundansonra keçirilən mətbuat konfransında qonaqların baş məşqçisi Rəşad Sadıqov görüş haqda fikirlərini bildirib.
- Gözlədiyimiz kimi, oyun çətin keçdi. Nəzərə alsaq ki, rəqib qış fasiləsindəm sonra evdə keçirdiyi oyunlarında heç birində məğlub olmamışdı. Onların hər xal üçün mübarizə aparacağını bilirdik. Oyuna yaxşı başladıq. Qapçının etibarlı çıxışları var idi. Rəqib bizə çox da rahatlıq yaratmırdı. Futbolçular ikinci hissənin əvvəlində sürəti artırdı. Qoldan sonra rəqib riskli oynamağa başladı. Yaxşı əks-hücumlarımız oldu. Növbəti qolu vursaydıq, rahat olardıq. Futbolçular istəkli idilər. Meydandan qalib ayrıldıq. Qarşıdakı oyunlara yaxşı hazırlaşmalıyıq ki, qələbə qazana bilək.

- “Zirə” Avropa, yoxsa Konfrans Liqasında çıxış etmək istəyir?
- Üç komandanın şansı qalıb. Sona 5 tur qalmış avrokubokları təmin etdik. Qarşıda bizi 4 oyun gözləyir. İmkan varsa, 2-ci yeri tutaq. Sona qədər bunun mübarizəsini aparmaq istəyirik. Biz də sona qədər diqqətimizi itirməməliyik.

- Uzunillərdi premyer-liqada “Qarabağ” və digərləri mifi yaranmışdı..
- Açığı bu barədə düşünməmişəm. Son illərdə “Qarabağ”ın dominanatlığı var. Böyük xal fərqi ilə çempion olub. Komandalar arasınsa ciddi fərq yoxdu. Kimdəsə uğursuz alına bilər. “Zirə”ni qalan klublardan fərqləndirmirəm.

- Azərbaycan sizin və Qurban Qurbanovun sayəsində dünyada ən uzun müddətli məşqçilərə malik çempionatlar siyahısında birinci yerdə gedir. Niyə başqa klublarımız baş məşqçilərə güvənmirlər? Halbuki siz Azərbaycanda ən çox inkişaf edən sahənin baş məşqçilər olduğunu demişdiz…
- Əslində faiz nisbəti olaraq klublarımız yerli məşqçilərə güvənir. Yerli məşqçilərin gördüyü işlə fəxr edirəm. Hamını bir-bir sıralaya bilərəm. Göstərdikləri nəticələr qürurvericidi.

- Klub büdcə olaraq böyüyəcəkmi?
- Klublarımız avrokuboklarda 1 tur keçəndə uğur sayır. İlk mərhələdə ciddi rəqiblər düşür. Reytinqimizi gücləndirməliyik. Hələki ona nail ola bilmirik. Keçən il 4 xal toplamışdıq. Avrokubokda uğur qazanmaq asan deyil. Bu il daha yaxşısını istəyəcəyik. Daha irəli getmək istəyirik. Klubumuzun bizə yaratdığı şəraitdən məmnunuq. Heyəti qoruyub-saxlamaq önəmlidi. Bu işlərə başlayacayıq. Bu yöndə də işimizi aparacayıq.

- Qurban Qurbanov deyir ki, böyümək üçün ciddi rəqiblərlə oynamaq lazımdı…
- Keçən il kim bizdən kombinasiyalı oynayırdı? Biz “Qarabağ” deyilik. Onlar kimi olmaq üçün, böyük vaxt lazımdı. Hamı nəticə qazanmaq istəyir. Bu məsələnin üzərində çox dayanmaq istəmirəm. Kənar olmaq istəyirəm. Mənim üçün “Qarabağ” məktəbdi. İnşallah bir gün bizdə o səviyəyə gələrik.

- Yerli bazardan neçə futbolçu var ki, götürmək istəyirsiniz?
- Çempionatda çox yaxşı futbolçular var. Xarici bazarda da keyfiyyətli futbolçular mövcuddu. Əvvəlki kimi Azərbaycana futbolçu gətirmək asan deyil. İmkanlarımızı aşa bilmərik.

- “Kəpəz”də bəyəndiyiniz futbolçular var?
- Bəyəndiyin futbolçular var. Keçən il Papunaşvilini bəyənmişdik. Onu gec transfer etdik. Elçin Əlicanovun müqaviləsi bitmişdi, biz onu heyətə cəlb etdik. Marağımızda olan futbolçular var.

- Ötən mövsüm “Zirə” üçün “qara zolaq” var idi. “Qarabağ”dan sonra ən sabit çıxış edən sizsiz. Avrokuboklara hazırlıq baxımdan keçən illə bu ili müqayisə etsək, hansı daha güclüdü?
- Aparacağımız seleksiyadan asılı olacaq. Heyəti qorumaq lazımdı. Bu ildə uğursuz qrafikimiz oldu. Qış fasiləsindən sonra uğurlu seriyamız alındı. Uğursuz çıxışdan sonra 2-ci yerə yüksəlmək də asan deyildi.

ƏSƏD SEYİDOV