“Qarabağ” Misli premyer-liqasının 27-ci turunda “Kəpəz”lə heç-heçə etdi - 0:0.

“Football-plus.az” xəbər verir ki, oyundan sonra qonaqların baş məşqçisi Qurban Qurbanov mətbuat konfransında görüş haqda fikirlərini bildirib.

- Qalib gəlmək istəyirdik, alınmadı. İstər-istəməz oyunun gedişi heç də yaxşı deyildi. Sadəcə futbola əks olan hər şey var idi. Meydançanı oyundan əvvəl sulamamışdılar. Yəqin həmin işə baxan şəxslər evə getmişdi. Belə şəraitdə futbol oynamaq yaxşı deyil. Oyunun dayanmasını istəmirsən. Amma mümkün deyil. Azər Bağırova uğurlar arzu edirəm. Futboldan həzz alınacaq bir şey yox idi. Bu gün deyəcək bir şey yoxdu. Xeyli epizodlarımız oldu.

- Stadionu sulamadılar. Bunun məsuliyyətini kim daşıyır?
- Bilmirəm. Sadəcə fikirlərimi bildirdim.

- İntizam Komitəsinin verdiyi cəzalar planlarınıza nə dərəcədə təsir etdi?
- Hər bir insanın fikri olar. Hakimlərin verdiyi qərarlara qarşı çıxmaq istəmirəm. Niyə verildi? Oyunçu topu alanda aqressiya göstərirsə, niyə “qırmızı” verilir? Rəqib komanda da elə bir şey etmişdi. Belə şeylər azarkeşlərə futbolu daha da sevdirir. O qədər olub belə hallar. Elvinə, Musaya da “qırmızı” verildi. Musa oğlum olmasaydı, bəlkə də daha çox danışardım. İki oyunçumuzu vurub-yıxır. Bu məsələni çox qaldırdılar. Sanki, “Qarabağ”ın oyunçularına güzəşt edirlər. Mən istəmərəm ki, heç bir komandaya “qırmızı” verilsin. Bu mövzu 1 həftə oldu. Qərar verilən günə kimi, mövzu danışıldı. İkinci hissədə maksimum 15 dəqiqə top oyunda oldu. Gəzə-gəzə futbol olmur. Gəlirlər, oyunçulara “qırmızı” verirlər. Sanki, “Araz-Naxçıvan” futbolçularına biz nəsə etmişik. Hər gün o anın analizi oldu. Ancaq təzyiq yaratdılar. Onda gedək hakimlərin üstünə. Təcrübəli hakim VAR-da oturmuşdu. Kamal Umudlu həmin epizodu çox da düzgün idarə edirdi. Hamısının yerindəcə “sarı”sını verdilər. Onda, Əliyar Ağayevi və Kamal Umudluya 3-5 oyunluq “qırmızı” versinlər. Bu cür davranmaq olmaz. O qədər olub ki, bəzi oyunçularımı meydana buraxmamışam. Beş gün sonra 2 oyunluq futbolçuları cəzalandırırlar. Məsələ çox qabarıb deyə, epizodlara baxmağa başladım. “CBC Sport”da elə danışdılar ki, sanki, 5 oyunçuma “qırmızı” verilməlidi. Belə halların olması daha yaxşıdı. Azarkeşlər daha da qıcıqlanır. Bəzən danışmıram. Bu epizodu çox analiz etmək olar. Yankoviç Vadim Abdullayevə yaxınlaşır və deyir ki, sən qışqırdın. Bir az uzun danışdım.

- Əslində bu oyun Bakıda olmalıyıdı. Amma İcraiyyə Komitəsinin iclası Bakıda baş tutdu. Bunun səbəbi nədi?
- İcraiyyə Komitəsinin rəhbəri buraya gəlməlidi. Bizdən xahiş etdilər ki, oyunların yerini dəyişək. Federasiyaya xəbər verdilər ki, rəhbərliyin vacib işi olub.

- Ramazan ayında futbolçuların oruc tutması, onların performansına nə dərəcədə təsir göstərir?
- Meydança futbolçuların performasına təsir göstərir.

- İcraiyyə Komitəsinin iclasında sizin də fikirlər nəzərə alınırmı?
- Müzakirə edirik. İcraiyyə Komitəsi 13 nəfərdən ibarətdi. Bütün fikirlər orada deyilir. Saya görə sonda qərar qəbul olunur. Sizlərlə danışdıqlarımı orda bildirirəm.

ƏSƏD SEYİDOV