“Qərara münasibətimiz müsbətdi, cəza daha ağır ola bilərdi” – “Araz-Naxçıvan” razılaşdı
Bu gün AFFA İntizam Komitəsi 26-cı turun qalmaqallı – “Araz-Naxçıvan” – “Qarabağ’’ oyunu ilə bağlı cəzaları açıqlayıb. Belə ki, “Araz-Naxçıvan’’dan Felipe Santos ikisi şərti olmaqla 4, “Qarabağ’dan Elvin Cəfərquliyevlə Musa Qurbanlı biri şərti olmaqla 2 oyunluq cəza alıb.
Bir müddət əvvəl əlaqə saxladığımız “Araz-Naxçıvan’’ın icraçı direktoru Eldəniz Yusubov İntizam Komitəsinin qərarını gözlədiklərini demişdi. “Football-plus.az” yenidən ona tribuna verdi:
“Bizdə olan məlumata görə, bu məsələ ciddi şəkildə araşdırılıb. Oyunçumuza və meydanda hakimin gözündən yayınan digər futbolçulara verilən cəzanın bir hissəsinin şərti olması bunu göstərir. Bu qərara münasibətimiz müsbətdi, cəza daha ağır ola bilərdi”.
AYAZ ZEYNALZADƏ
Digər xəbərlər
