MBA-nın ən yaşlı oyunçusu və ulduzu Lebron Ceyms inanılmaz görünən daha bir rekorda imza atıb.

Belə ki, “Leykers”in forvardı müntəzəm çempionatda və pley-offda xal sayına görə yeni rekord müəyyənləşdirib. 40 yaşlı ulduz martın 5-də “Nyu-Orlean” üzərindəki qələbəyə (136:115) 34 xalla töhfə verib. MBA karyerasında xalını 50033-ə (müntəzəm çempionatlarda 41871, pley-offda 8162) çatdıran Ceyms 50 xal həddini aşan ilk basketbolçudu. Yeri gəlmişkən, Lebron dünən komandasının “Nyu-York”la oyununda daha 31 xal toplayıb və 50034-ə çatıb.

Bu göstəricidə 2-ci yerdə ümumilikdə 44149 xal toplayan “Miluoki” və “Leykers”in sabiq mərkəz oyunçusu Kərim Əbdül-Cabbar qərarlaşıb.

Yeri gəlmişkən, məhz Lebron MBA-nın fevraldakı ən yaxşı oyunçusu sayılıb. 40 yaşlı amerikalı MBA tarixində bu yaşda ayın ən yaxşısı adına layiq görülən ilk oyunçudu. Karyerası boyunca qazandığı mükafat sayını 41-ə çatdıran Lebron bu göstəricidə də özünə məxsus olan rekordu yeniləyib.

Xatırladaq ki, o, MBA-da 22 mövsümünü keçirir. Lebronun komanda yoldaşı, sloveniyalı Luka Donçiç də heyrətini gizlədə bilməyib:

Ən qəribəsi də odu ki, Lebronun hələ karyerasını bitirmək fikri yoxdu. Amma “Leykers”in oyununa əsasən mühakimə yürütsək, bu komanda pley-offda da irəliləməyə qadirdi. Lebron isə belədə bizim böyük atletlərin imkanlarının nə dərəcədə geniş ola biləcəyi ilə bağlı təsəvvürlərimizi zənginləşdirmək imkanı qazanacaq.

MBA ilə bağlı daha bir xəbər var. “Dallas”ın oyun qurucusu Kayri İrvinqin sol dizinin ön xaçvari bağları qırılıb. O, martın 4-də - “Sakremento” ilə ev oyununda ciddi zədə alıb. 32 yaşlı amerikalı ilk çeyrəyin əvvəlində rəqib səbəti altında uğursuz şəkildə yıxılıb. Tibbi personalın köməyi ilə atış xəttinə yaxınlaşan və iki cərimə atışını yerinə yetirən ulduz ardından meydanı tərk edib. Onun artıq 2024/25 mövsümün qalan hissəsini buraxacağı bəllidi. Cari mövsümdə 50 oyun keçirən müdafiəçi orta hesabla 24,7 xal toplayıb, 4,8 ribaund edib və 4,6 məhsuldar ötürmə verib.

4 mart
Filadelfiya 76 – Portlend 102:119 (32:29, 29:27, 20:35, 21:28)
Şarlott – Qolden Steyt 101:119 (21:28, 28:30, 28:28, 24:33)
Mayami – Vaşinqton 106:90 (32:24, 23:12, 26:32, 25:22)
Memfis – Atlanta 130:132 (34:28, 31:42, 42:31, 23:31)
Oklahoma-Siti – Hyuston 137:128 (30:31, 33:31, 39:27, 35:39)
Dallas – Sakramento 98:122 (24:27, 26:33, 16:34, 32:28)
Yuta – Detroyt 106:134 (22:36, 25:31, 30:31, 29:36)

5 mart
İndiana – Hyuston 115:102 (30:30, 37:27, 23:26, 25:19)
Orlando – Toronto 113:114 (22:22, 32:27, 19:31, 40:34)
Atlanta – Miluoki 121:127 (33:37, 33:29, 29:26, 26:35)
Nyu-York – Qolden Steyt 102:114 (26:25, 29:22, 26:35, 21:32)
Minnesota – Filadelfiya 76 126:112 (24:22, 33:31, 26:27, 43:32)
Çikaqo – Klivlend 117:139 (29:24, 29:33, 36:39, 23:43)
San-Antonio – Bruklin 127:113 (31:25, 31:32, 37:23, 28:33)
Finiks – Klippers 119:117 (30:24, 19:41, 27:30, 43:22)
Leykers – Nyu-Orlean 136:115 (36:23, 33:36, 33:25, 34:31)

6 mart
Boston – Portlend 128:118 (31:26, 35:29, 36:27, 26:36)
Vaşinqton – Yuta 125:122 (32:32, 30:23, 34:36, 29:31)
Klivlend – Mayami 112:107 (36:32, 27:27, 23:23, 26:25)
Şarlott – Minnesota 110:125 (28:39, 30:26, 25:32, 27:28)
Memfis – Oklahoma-Siti 103:120 (28:30, 27:31, 23:30, 25:29)
Denver – Sakramento 116:110 (29:42, 26:23, 29:28, 32:17)
Miluoki – Dallas 137:107 (43:30, 29:23, 34:26, 31:28)
Klippers – Detroyt 123:115 (32:26, 25:31, 34:32, 32:26)

7 mart
Orlando – Çikaqo 123:125 (35:33, 31:36, 35:27, 22:29)
Atlanta – İndiana 124:118 (21:31, 35:32, 30:31, 38:24)
Boston – Filadelfiya 76 123:105 (35:24, 29:22, 33:33, 26:26)
Bruklin – Qolden Steyt 119:121 (35:15, 25:40, 29:31, 30:35)
Nyu-Orlean – Hyuston 97:109 (34:31, 25:25, 15:33, 23:20)
Leykers – Nyu-York 113:109 ОТ (31:27, 20:33, 25:24, 23:15, 14:10)