“Qərarları yaxşı qarşıladım, məntiqli və yerində verilmiş qərarlar olduğunu düşünürəm. Bu qərarlardan sonra idman prinsiplərinin qorunduğunu da nəzərə alsaq, bütün liqalarda gərginlik son həddə çatacaq. Hər tur maraqlı oyunların şahidi olacağımıza inanıram. Ümumiyyətlə, hiss olunurdu ki, müzakirə olunan məsələlərlə bağlı çox ciddi araşdırma və təhlillər edilib. Hər xırda detal nəzərə alınıb, müsbət və mənfi məqəmlar ən xırda incəliyinə kimi araşdırılıb. Beynəlxalq təcrübəyə müraciət olunduğu görünürdü. Düşünürəm ki, bizim liqalar üçün ən məntiqli qərarlar verildi. Xüsusilə komanda sayının artırılması futbolumuzun xeyrinə olan məqamlardan ən önəmlisidi. Futbol dili ilə desək, artıq top 1-ci liqadan premyer-liqaya yüksəlmək istəyən komandalardadı. Premyer-liqa meyarlarına cavab vermək üçün əllərindən gələnin ən yaxşısını etməlidilər. İndi bir yox, daha çox komandanın çıxış etdikləri liqalardan üst liqaya çıxmaq şansı yaranıb. Həm mükafatçılar sırasına düşmək, həm də çempionatı tərk etmək baxımından bütün liqalardakı oyunların amansız mübarizə şəraitində keçəcəyi sirr deyil”.

“Qeyd etdiyiniz məsələ müzakirə mərhələsindədi. Bildiyiniz kimi, İcraiyyə Komitəsi il ərzində bir neçə dəfə toplanır. Bu məsələnin də araşdırılacağına, futbolumuz üçün nəyin faydalı olacağının müəyyənləşdiriləcəyinə və müsbət qərarlar veriləcəyinə əminəm. Növbəti mövsüm 2-ci liqada komandaların sayı və digər məqamlarla bağlı müzakirələr, araşdırmalar tam bitəndən sonra qərarların veriləcəyi gözlənilir”.