Kadi və ailəsi bazar günü Bakıda olacaq
Kadi Borgesin “Qarabağ”la müqaviləyə imza atandan dərhal sonra Macarıstana qayıtdığını xəbər vermişdik.
Brazilyalı vinger ailə üzvlərinin arxasınca yollanıb. Onun beynəlxalq transfer sertifikatı gəlib, qarşıdakı günlərdə ölkədaxili yarışlarda iştirak üçün qeydiyyatdan keçiriləcək.
Görəsən, Kadi nə vaxt qayıdır? Qeydiyyat məsələsi bitdimi? Bu sualları “Qarabağ”ın mətbuat xidmətinin rəhbəri Anar Hacıyevə ünvanladıq:
“Kadi ailəsi ilə birlikdə bazar günü Bakıda olacaq. Baş məşqçi ona ailə məsələlərinin həlli ilə bağlı icazə vermişdi. Bakıya köçmək üçün ona müəyyən vaxt lazım idi. Bazar günü artıq ailəsi ilə birlikdə Bakıda olacaq”.
ƏSƏD SEYİDOV
