“Filadelfiya” ilə oyunda (3:2) qolla yadda qalan “Toronto”nun forvardı Con Tavares “Vaşinqton”un kapitanı Aleksandr Oveçkinin uğurunu təkrarladı.

Kanadalı forvard MHL-in cari mövsümündə 20-ci qolunu vurdu. Bu, 34 yaşlı Tavares üçün 20 və daha çox qol vurduğu 15-ci mövsümdü. 39 yaşlı Oveçkinin hesabında da bu qədər mövsüm var. 2009-cu ildən bəri yalnız iki hokkeyçi belə nəticə ilə öyünə bilər. Tavareslə Oveçkinin ən yaxın izləyicisi Patrik Keyndi. “Detroyt”un ulduzu 14 mövsümdə 20 və daha çox qol vurub. Tavares cari mövsümdə keçirdiyi 42 oyunda 42 (20+22) xal toplayıb.

Oveçkin son iki oyunda qol vura bilməsə də, başqa bir göstəricidə ilk “30-luğ”a düşdü. Rusiyalı ulduz “Vankuver”ə qarşı buz üzərinə çıxmaqla müntəzəm çempionatda oyun sayını 1451-ə çatdırdı. “Vaşinqton”un kapitanı MHL-də oyun sayına görə 30-cu pilləyə yüksəldi. Daha dəqiqi, 30-cu yeri “Vinnipeq”, “Anahaym”, “San-Xose” və “Kolorado”nun sabiq forvardı Teemu Selyanne ilə bölüşür. MHL-də oyun sayına görə rekordçu isə Patrik Marlodu (1779).

MHL-də ab-havanı müəyyənləşdirən hokkeyçilərdən biri də Sidni Krosbidi. “Pittsburq”un hücumçusu “Edmonton”la dünənki oyunda (5:3) iki məhsuldar ötürmə verdi. Karyerası boyunca topladığı xal sayını 1642-yə çatdıran 37 yaşlı kanadalı liqa tarixinin bombardirləri siyahısında 9-cu pilləyə yüksəldi. Krosbi siyahıda “Kvebek”lə “Kolorado”nun sabiq forvardı Co Sakiki (1641 xal – 625+1016) arxada qoydu.

7 yanvar
Baffalo – Vaşinqton 4:3 Б (1:1, 2:1, 0:1, 0:0, 1:0)
Monreal – Vankuver 5:4 ОТ (1:1, 1:2, 2:1, 1:0)
Kolorado – Florida 3:1 (0:1, 1:0, 2:0)
Sietl – Nyu-Cersi 2:3 (1:1, 0:1, 1:1)

8 yanvar
Tampa-Bey – Karolina 3:2 (1:0, 1:1, 1:1)
Boston – Edmonton 0:4 (0:1, 0:2, 0:1)
Detroyt – Ottava 3:2 ОТ (1:0, 0:2, 1:0, 1:0)
Reyncers – Dallas 4:5 ОТ (3:2, 0:1, 1:1, 0:1)
Filadelfiya – Toronto 2:3 (1:0, 1:2, 0:1)
Pittsburq – Kolambus 3:4 Б (0:1, 1:0, 2:2, 0:0, 0:1)
Minnesota – Sent-Luis 6:4 (2:1, 1:3, 3:0)
Vinnipeq – Neşvill 5:2 (3:0, 0:1, 2:1
Anahaym – Kalqari 2:3 ОТ (0:1, 1:1, 1:0, 0:1)
San-Xose – Veqas 2:4 (0:2, 1:0, 1:2)

9 yanvar
Çikaqo – Kolorado 3:1 (1:1, 1:0, 1:0)
Vaşinqton – Vankuver 2:1 ОТ (1:0, 0:1, 0:0, 1:0)
Yuta – Florida 1:4 (0:0, 0:1, 1:3)

10 yanvar
Karolina – Toronto 6:3 (2:2, 2:1, 2:0)
Kolambus – Sietl 6:2 (1:1, 4:0, 1:1)
Reyncers – Nyu-Cersi 3:2 ОТ (1:0, 1:2, 0:0, 1:0)
Ottava – Baffalo 0:4 (0:2, 0:2, 0:0)
Filadelfiya – Dallas 1:4 (0:2, 0:1, 1:1)
Pittsburq – Edmonton 5:3 (4:1, 1:2, 0:0)
Tampa-Bey – Boston 4:1 (0:0, 2:0, 2:1)
Minnesota – Kolorado 1:6 (1:2, 0:1, 0:3)
Sent-Luis – Anahaym 6:2 (4:1, 2:1, 0:0)
Veqas – Aylenders 0:4 (0:1, 0:2, 0:1)