“Sözün açığı, istəmirdim ki, şəkli “feysbuk”da paylaşsın”
Ölkə kubokunun 1/8 final mərhələsinin “Turan Tovuz” – “Sabah” oyununda meydan sahiblərinin futbolçusu Denis Marandiçi ağır zədə alıb.
Marandiçi dərhal Tovuz Rayon Mərkəzi Xəstəxanasına çatdırılıb. Zədəsi ağır olduğundan ilkin təcili yardımdan sonra Gəncəyə çatdırılıb. Hadisədən xəbər tutan “Kəpəz”in baş məşqçisi Azər Bağırov dərhal xəstəxanaya üz tutub. Azər bəy “Football-plus.az”a bu ziyarətlə bağlı danışdı:
“Şükürlər olsun ki, hər şey yaxşıdı. Tovuzdan da iki-üç nəfər gəlmişdi. “Kəpəz”dən də mən və köməkşi məşqçim Rakif Əliyev var idi. Rakif şəkil çəkib “feysbuk”da paylaşmışdı. Sözün açığı, istəmirdim ki, paylaşsın. Marandiçi də yaxşı idi. Həmin vəziyyətdə futbolçuya ürək-dirək vermək lazım idi. Tez sağalsın və yaşıl meydanlara qayıtsın”.
ƏSƏD SEYİDOV
Digər xəbərlər
