Santa-Susannada (İspaniya) keçirilən bodibildinq üzrə Dünya kubokunda pro-kartlar üzrə yarış keçirilib.

“Football-plus.az” xəbər verir ki, bu kartlar idmançılara peşəkarlar arasında çıxış etmək hüququ verir.

95 kq çəki dərəcəsində Elnur Allahyarov və Samir Mammadli bu vəsiqə uğrunda mübarizə aparıb. İspaniyada mütləq çempion olan Elnur bu dəfə 3-cü yeri tutub. Dünya kubokunun bürünc mükafatçısı Samir isə 4-cü olub .

Hər iki idmançımız peşəkarlar arasında yarışmaq hüququ qazanıb.

Qeyd edək ki, Dünya kubokunda Fərid Nəcəfli (Men’s physique) mütləq çempion olub. Eyni uğura gənclər arasında Aşur Abdullayev imza atıb. Bodibildinqdə Kamil Əliyev gümüş, Samir Məmmədli və Vüqar Verdiyev bürünc qazanıb. Seymur Əliyev klassik bodibildinq, Təbriz Tarverdiyev isə "Men’s physique"də 3-cü yeri tutub.