"Azərbaycanın topa sahib olmasına imkan verməməliyik" - Fransisko Neto
Portuqaliyanın qadınlardan ibarət millimizin baş məşqçisi Fransisko Neto bu gün Bakıda Azərbaycan yığması ilə AÇ-2025-in seçmə mərhələsinin 1-ci mərhələsinin ilk oyunu haqda danışıb.
"Football-plus.az" xəbər verir ki, portuqaliyalı mütəxəssis federasiyanın rəsmi saytına açıqlamasında millimiz barədə bunları deyib:
"Biz topa sahib olanda və onu itirəndə nə edəcəyimizi bilməliyik. Azərbaycanın topa sahib olmasına imkan verməməliyik, güclü və aqressiv reaksiya göstərməliyik. Onlara topu saxlamağa icazə versəniz, cinahlardan hücum etməyə çalışaraq öz oyunlarını qurmağa başlayacaqlar. Azərbaycan topla olanda çox yaxşı oynayır. Rəqibin matça 4, yoxsa 5 müdafiəçi ilə çıxacağına hələ də şübhələrimiz var. Biz təxmin etməyi sevmirik, ona görə də diqqətimizi planımıza yönəltməliyik".
Azərbaycan - Portuqaliya oyunu bu gün "Liv Bona Dea Arena" stadionunda keçiriləcək və saat 16.00-da başlayacaq.
Digər xəbərlər
