Bu gün Misli premyer-liqasında 10-cu tura start veriləcək. İlk oyun günündə keçiriləcək yeganə matçı "CBC Sport" canlı yayınlayacaq.

Misli premyer-liqası
2-ci dövrə, 10-cu tur
18 oktyabr
Kəpəz – Qarabağ 0:5
Emanuel Addai, 17. Aleksey İsayev, 51. Leandro Andrade, 53. Toral Bayramov, 67. Aleksey Kaşyuk, 78.
“Kəpəz”in bu rəqiblə ev oyunlarının balansı: 29:+11=5-13, 43:36.
1992/93 – 2:1; 1993/94 – 4:1; 1994/95 – 4:1; 1995/96 – 3:1, 0:0; 1996/97 – 3:1; 1997/98 – 3:2; 1998/99 – 3:0; 1999/2000 – 1:1; 2000/01 – 2:1; 2001/02 – 2:1, 3:0; 2003/04 – 0:1; 2004/05 – 0:1; 2005/06 – 1:2; 2010/11 – 0:1; 2011/12 – 1:2; 2012/13 – 0:0; 2015/16 – 2:3, 1:2; 2016/17 – 1:1, 0:1; 2017/18 – 0:2, 0:1; 2022/23 – 0:1, 1:1. 2023/24 – 1:2, 1:6.
Cəzalı: yoxdu.
"Futbol+"in proqnozu: 20-30-50.
Tovuz, şəhər stadionu. Saat 18.00.

Nəhayət, millilərin oyunlarıyla bağlı yaranan fasilə və futbolsevərlərin premyer-liqa həsrəti başa çatacaq. 2-ci dövrənin, başqa sözlə, 10-cu turun açılış matçına Tovuzda şahidlik edəcəyik. Gəncə şəhər stadionunun inşasıyla bağlı ev oyunlarını bu bölgədə keçirən "Kəpəz" "Qarabağ"ı qəbul edəcək. Hər iki komandayla bağlı suallar çoxdu ki, bəzilərinə bu oyunda cavab tapılacaq.

"Sarı-göylər" yeni mövsümün ilk qələbəsini məhz bu meydanda, əzəli rəqibi "Neftçi"nin üzərində qazanmaqla (4:3) fasiləyə ümidli yollandı. İndi həmin nəticənin təsadüfi olub-olmadığı bilinəcək. Düzü, autsayderin liderlə mübarizəsi bu məsələylə bağlı çox şey vəd etmir. Lakin premyer-liqanı tərk etmək təhlükəsiylə üz-üzə qalan komanda güclü rəqibinə “dişini göstərməklə” motivasiyasını yaxşılaşdırmalı, elitada qalmağa layiq olduğunu azı əzmkarlıqla ortaya qoymalıdı. Hər halda, Azər Bağırov və komandası hədəfə çatmağın nə qədər çətin və vacib olduğunu anlayır. Bu üzdən azarkeşlərin dəstəyinə də arxalanmaqla ölkənin hegemonundan xal qoparmağa çalışmaq lazımdı.

"Qarabağ"ın premyer-liqa ilə bağlı problemi yoxdu. Onsuz da gücü Azərbaycanın sərhədlərini aşan komanda zəif çıxış etsə də, rəqiblərini “yerinə oturtmağı” bacarır. Lakin, bu, son vaxtlar xüsusilə hücum cəhdlərində baş qaldıran problemləri ört-basdır etməyə yetmir. "Köhlən atlar" avrokubok matçlarında ciddi çətinliklərlə üzləşdiyi kimi, 9-cu turda "Sumqayıt"ın meydanında da arzuolunan səviyyədə oynamadı. O başqa məsələ ki, bir qolla üç xala yiyələndi və liderliyini qoruyub-saxladı. Xülasə bizi autsayderlə liderin baxımlı keçəcəyi ehtimal olunan dueli gözləyir. Bəli, favorit "Qarabağ"dı. Amma Azər Bağırovun ötən mövsüm "Araz-Naxçıvan"ı çalışdırarkən Qurban Qurbanova başağrısı olduğunu unutmamalıyıq.

Bu komandalar indiyə qədər 58 dəfə qarşılaşıb. Bunların 14-də “Kəpəz”, 33-də “Qarabağ” 3 xala yiyələnib. 11 görüş heç-heçə bitib. Topların nisbətində “köhlən atlar” öndədi – 94:61.

1. Qarabağ 8 7 0 1 20-6 21
2. Turan Tovuz 9 5 3 1 12-6 18
3. Araz-Naxçıvan 8 5 2 1 11-9 17
4. Zirə 8 5 0 3 14-6 15
5. Sabah 9 4 3 2 19-15 15
6. Şamaxı 8 3 3 2 8-7 12
7. Səbail 9 2 1 6 14-17 7
8. Sumqayıt 9 2 1 6 6-11 7
9. Neftçi 9 0 5 4 6-15 5
10. Kəpəz 9 1 0 8 6-24 3

Bombardirlər: Coy-Lens Mikels, Cesse Sekidika (hər ikisi “Sabah”) – 5.

Turun digər oyunları oktyabrın 19-20-də keçiriləcək.

KƏNAN BAHADIR