Misli premyer-liqasında ilk tur geridə qaldı. Bu gün isə növbəti tura start veriləcək. Bu dəfə də açılış “Qarabağ”ın matçıya olacaq.

Stadiona gələ bilməyənlər oyunu “CBC Sport” vasitəsi ilə izləyə bilər.

Misli premyer-liqası
1-ci dövrə, 2-ci tur
Qarabağ – Kəpəz
9 avqust
Qarabağ – Kəpəz 3:0
Riçard Almeyda, 48. Abdulla Zubir, 72. Olavio Juninyo, 84.
“Qarabağ”ın bu rəqiblə ev oyunlarının balansı: 29:+20=5-4, 56:19.
1992/93 – 0:0; 1993/94 – 1:1; 1994/95 – 0:2; 1995/96 – 3:0, 1:2; 1996/97 – 1:0; 1997/98 – 0:0; 1998/99 – 2:1, 0:2; 1999/00 – 2:1; 2000/01 – 2:1; 2001/02 – 3:2; 2003/04 – 4:0; 2004/05 – 1:1; 2005/06 – 0:0; 2006/07 – 3:0; 2010/11 – 3:0; 2011/12 – 1:0; 2012/13 – 3:1; 2015/16 – 3:0, 4:0; 2016/17 – 1:0, 2:1; 2017/18 – 2:0, 1:0; 2022/23 – 3:1, 3:1; 2023/24 – 1:1, 7:1.
Cəzalı: Elvin Cəfərquliyev (Qarabağ).
“Futbol+”in proqnozu: 50-30-20.
Bakı. “Azərsun Arena”. Saat 20.00.

“Qarabağ” yeni mövsümə uğurlu başladı. “Araz-Naxçıvan”ın qonağı olan “köhlən atlar” böyükhesablı qələbə qazandı. Azarkeşlərin ilk oyunda yaxşı təsir bağışlayan komandaya ümidləri böyükdü. Baxmayaraq ki, Şahruddin və Elvin ənənəvi “çılğınlıqla” diqqəti çəkdi.

Ağdamlılar növbəti görüşü “doğma divarlar” arasında keçirəcək. Düzdü, qarşılaşmanın taleyi həm də bu gün keçiriləcək Çempionlar Liqasının 3-cü təsnifat mərhələsinin ilk oyunundan asılıdı. Çox güman, həmin matçın ab-havası premyer-liqada da hiss olunacaq. Qurban Qurbanovun heyətdə müəyyən rotasiyalar edəcəyi bəllidi. Hər halda, istənilən məqam “Qarabağ”ın favorit statusunu dəyişmir. “Kəpəz” isə Sumqayıtdan əliboş qayıtdı – 0:2. Gəncəlilərin heyətlə bağlı çatışmazlıqları gözdən qaçmadısa, xətlərarası əlaqədə anlaşmazlıqlar, həmçinin kollektivin yenidən qurulması xeyli problem yaradır. Adil Şükürovun bunun öhdəsindən nə dərəcədə gələcəyi sual altındadı. O bəllidi ki, “sarı-göylər” son çempiona qarşı həddən artıq çox güc sərf etməli olacaq. Ağdamlıların meydanından sonucu dəfə 1998/99 mövsümündə qalib ayrılan gəncəlilərin işi yenə çətindi.

Ümumiyyətlə, bu komandalar indiyə qədər 57 dəfə üz-üzə gəlib. Bunların 32-də “Qarabağ”, 14-də “Kəpəz” qələbə qazanıb, 1-də isə “sülh” qeydə alınıb. Topların nisbətində “köhlən atlar” öndədi – 91:61.

KƏNAN BAHADIR