"Azərbaycan yığmamızı ilk 30 dəqiqə ərzində təzyiq altında saxladı. Hətta Karl Yakob Heyn iki dəfə komandamızı qollardan xilas etdi. Buna baxmayaraq, hesabı millimiz açdı. Ardınca "Qarabağ"ın futbolçuları, millilərində yaxşı oyun keçirən Elvin Cəfərquliyev və Toral Bayramov hesabın bərabərləşməsində rol oynadı. Bu, yığmamızın qələbə qazanmasına mane olmadı. Komanda daha iki qol vurmaqla Millətlər Liqasının yeni mövsümündə ilk qələbəsini qazandı. Buna görə, Yurgen Hennə təşəkkür edirik! O, millimizi meydana çıxardığı beş oyundan üçündə qalib gəlib. Mütəxəssis matçdan sonra ERR-ə belə dedi:

"Qələbəni həm oyunçuların performansı, həm də azarkeşlərimizin dəstəyi sayəsində qazandıq. Birinci hissədə çətinlik çəksək də, ikinci yarıda bəzi dəyişikliklər etməklə rəqibin irəliləməsinə imkan vermədik. Futbolçular öhdəliklərini çox yaxşı başa düşürlər".

"Qrupun favoritləri əvvəldən bəlliydi. Bunlar İsveç və Slovakiyadı. Əsas mübarizə Estoniya və Azərbaycan arasında gedəcəkdi. Dünən keçirilən oyunda C liqasını tərk edəcək komanda böyük ölçüdə müəyyənləşdi. Söhbət baş məşqçi postunda tanınmış və bacarıqlı mütəxəssis Fernando Santuşun olduğu Azərbaycan millisindən gedir. 1:3 hesablı məğlubiyyət estonlarla azərbaycanlılar arasında səviyyə fərqinin olduğunu üzə çıxardı. İndiyə qədər onlardan hansının daha güclü olduğunu demək çətin idi. Azərbaycan bazar ertəsi Slovakiyayla qarşılaşacaq. Onların xal qazanması mümkün görünmür".