Cüdoçumuz Kənan Nəsibov (+100 kq) Tacikistanın paytaxtı Düşənbədə keçirilən dünya çempioantında tarixə düşüb.

"Football-plus.az" xəbər verir ki, buna qədər ən ağır çəkidə heç bir cüdoçumuz analoji yarışın mükafatçısı olmamışdı.

Əjdər Bağırov (100 kq) isə olimpiya çempionu Zelim Kotsoyevdən yeddi il sonra bürünc mükafat qazanıb.

Qeyd edək ki, gənclərdən ibarət millimiz dünya çempionatını üç medalla başa vurub. Kənan Nəsibov (+100 kq) gümüş, Süleyman Şükürov (81 kq) və Əjdər Bağırov (100 kq) isə bürünc mükafat qazanıblar. Bu göstərici ilə ölkəmiz Azərbaycan oğlanların sıralamasında 67 ölkə arasında 4-cü yeri tutub.

Bundan başqa, təmsilçilərimizdən Nizami İmranov (60 kq) və Aydan Vəliyeva (52 kq) 5-ci, Fidan Əlizadə (57 kq), Məhəmməd Musayev (66 kq) və Aslan Kotsoyev (90 kq) isə 7-ci yeri tutublar.