Misli premyer-liqasının 9-cu turu “Qarabağ”ın futbolçusu Toral Bayramov üçün əlamətdar olub.

"Football-plus.az" xəbər verir ki, 23 yaşlı müdafiəçi premyer-liqada 100-cü oyununu keçirib.

Onun yubileyi “Sumqayıt”la səfər matçına təsadüf edib. 100 görüşdə 15 qol vuran futbolçu yalnız bir komandada forma geyib.

Bütün oyunlarını “Qarabağ”da keçirən Toralın debütü 2019/20 mövsümündə gerçəkləşib. O, 2019-cu il sentyabrın 23-də “Zirə” ilə səfər qarşılaşmasında (3:1) meydana çıxıb.