Türkiyə futbolunda xüsusi çəkiyə malik olan ''Bursaspor''un son illərdə ciddi böhran yaşadığını və hazırda 3-cü liqada, yəni 4-cü divizionda çıxış etdiyini yəqin ki, bilirsiz.

Buna baxmayaraq fanatlar hələ də bu komandaya sadiqdi.

''Bursaspor''un bu mövsüm hələ ki, hər ev oyununda turnirin azarkeş rekordu yenilənir! Əvvəlcə sentyabrın 15-də ''Tokat Bələdiyəspor''la oyuna (3:0) 41300 azarkeş gəlmiş və bu, rekord göstəricidi olmuşdu. Ötən həftəsonu isə ''timsahlar'' evdə ''Muşspor'' ilə qarşılaşdı. Qolsuz bərabərliklə yekunlaşan oyuna bu dəfə 43160 azarkeş gəldi və növbəti dəfə rekord yeniləndi!

''Bursaspor'' mövsümə yaxşı başlayıb və öz qrupunda ilk 4 tura 10 xal toplayıb.

Xatırladaq ki, bu komanda 2010-cu ildə Türkiyə çempionluğunu qazanıb. ''Bursaspor'' Türkiyə futbolunda çempion olmuş cəmi 6 komandadan biridi.

ƏLİ