Namik Ələskərovun çıxış etdiyi "Bursaspor" TFF 1-ci liqada qalmağa çalışır.

Klub rəhbərliyi tapşırığın öhdəsindən gələcəkləri halda, komandaya 5 milyon lirə mükafat verəcək.

Bu iddianı “Fotomatç” qəzetinin əməkdaşı Serkan Yetişmişoğlu “Bursaspor Saatı” verilişində səsləndirib.

Onun sözlərinə görə, “timsahlar”ın yeni prezidenti Ömer Furkan Banaz komanda ilə görüşündə bu məlumatı komandanın diqqətinə çatdırıb.

Qeyd edək ki, hesabında 31 turdan sonra 31 xal olan “Bursaspor” 18-ci pillədə qərarlaşıb. "Timsahlar" son 7 oyunda maksimum nəticə əldə etməyə köklənib.

Namik Ələskərov “Bursaspor”un heyətində bu mövsüm 27 qarşılaşmada 4 qol vurub, 6 assist edib.