Tibo Kurtua növbəti dəfə əbəs yerə dünyanın ən güclü qapıçılarından biri olmadığını göstərdi.

Çempionlar Liqasında ''Ştutqart''la ev oyunundakı 3:1-lik qələbədə pay sahibi olanların başında məhz Kurtua gəldi. Belçikalı təcrübəli əlcək sahibi xüsusilə ilk yarıda önəmli seyvlər edərək komandasının fasiləyə 0:0 ilə yollanmasına yardım etdi.

Təsadüfi deyil ki, 90 dəqiqə ərzində 6 seyv edən Kurtua matçın ən yaxşı oyunçusu seçildi. Oyunsonrası mətbuat konfransında isə ''Real''ın baş məşqçisi Karlo Ançelotti Kurtuanı hazırda dünyanın ən yaxşı qapıçısı adlandırdı. Bu arada sabiq ispaniyalı qapıçı Santyaqo Kanisares də Kurtuaya tərif yağdırıb. ''Selta'', ''Real'' və ''Valensiya''da çıxış etmiş Kanisares bunları deyib:

''Kurtua indiyə qədər gördüyüm ən güclü qapıçıdı. O, qapıçıların Messisi, Ronaldosu və Maradonasıdı. Kurtua hazırda digər bütün qapıçılardan bir baş üstündü və bunu hər oyunda nümayiş etdirir. Çünki onun qədər nəticəyə təsir etməyi bacaran başqa qapıçı yoxdu''.

ƏLİ