“Bildiyiniz kimi, futbolun inkşafı ilə bağlı təkliflər toplusunu AFFA-ya göndərmişəm. Ölkəmizdə kiçik və orta sahibkarlara dəstək fondu fəaliyyət göstərir. Mən təklif etmişəm ki, həmin fond AFFA-ya bu sahədə kömək etsin. Futbolun inkşafına dəstək fondunun yaradılmasını istəyirəm. Bu idman növü ilə bağlı gecə-gündüz müzakirələr aparırıq. Futbolda sponsor yoxdu, heç kim gəılmir. Dövlətin yükünü azaltmaq, sahibkarları stimullaşdırmaq, futbola iş adamlarının cəlb olunması üçün Futbola Dəstək Fondu yaradılmalıdı. Klub idarəçiləri problem və təkliflərini müntəzəm həmin fond ilə bölüşəcək, AFFA həmin fond vasitəsiylə məsələlərə daha az vaxt sərf etməklə münasibət bildirəcək. Fond İqtisadi İnkşaf Nazirliyi, Gənclər və İdman Nazirliyi, Təhsil Nazirliyi, digər nazirlik və komitələr ilə birgə fəaliyyət göstərməlidi. Gürcüstan millisinin 200 futbolçusu xarici klublarda oynayır. Bizdə isə pul futbolu güclüdü. Biz səhv yoldayıq və üstünlüyü klub futboluna vermişik. Azərbaycanda bir klub inkşaf edib. Yaxın günlərdə AFFA ilə görüşmək istəyirəm. Biz 2013-cü ilə “Atletiko” ilə 5 illik müqavilə bağlamışdıq. Qırx gənci “Atletiko”nun akademiyasına aparmalıydıq. Dəfələrlə müəyyən təşkilatlara müraciət etsəm də, heç kim bizə dəstək vermədi. Onda bizə dəstək versəydilər, 5 illik proqram çərçivəsində gənclərimiz indi Avropa səviyyəsində futbolçuya çevriləcəkdi. Şans yaranıb və bütün təkliflərimi irəli sürmüşəm. Yeni rəhbərlik strategiya hazırlanmasını təklif edib. Mən də təkliflər vermişəm. Bu təkliflər nəzərə alınarsa, Azərbaycan futbolu dörd-beş ildə öz sözünü deyəcək. Biz klub futbolu ilə yox, milli komandamız ilə öyünə biləcəyik. Təkliflərimdən biri də odu ki, milli komandanın oyunları bölgədə keçirilməlidi. Regionlarda stadionlar olmadığına görə bütün oyunlar Bakıda keçirilir. Futbolumuzun inkşafına digər dövlət qurumları da maraq göstərməlidi. Hazırda futbolun imitasiyası ilə məşğuluq. Futbolu öyrədən canlı əfsanələr hamısı sağdı. İsgəndər Cavadov, Maşalla Əhmədov, İqor Ponomaryov, Asif Xudiyev, Asif Əliyev, Əbdülqəni Nurməmmədov, Asəf Namazov, Əsgər Abdullayev, Novruz Əzimov, Səməd Qurbanov, Vaqif Sadiqov - bu insanlar Azərbaycana futbolu sevdiriblər. Bu insanlara da qiymət verilməlidi. Tarixini unudan heç bir xalq gələcəkdə qalib gələ bilməz. Bu hər sahəyə aiddi”.