“Belə şey, adətən, mövsümün əvvəlində olur - ya hazırlığa başlayırsan, ya da başlamırsan. Başlamışamsa, getməyim gülünc məsələdi. Söz bir dəfə deyilir və iş görülür. Bu gün başlayıb, sonra “iş məni qane etmir, belə istəmirəm” demək olmaz. Əvvəlcədən hər şeyi danışmışıq, razılıq əldə olunub, işimiz də necə lazımdı davam edir. Rəhbərlik olandan da artığını etməyə çalışır ki, işlərimiz yolunda getsin, bu, birmənalıdı. Hansı mənbələrə əsaslanıb yazıblar - bilmirəm. Ola bilər ki, söz atıb, qəsdən yayıblar, amma mən tərəfdən bu söhbət olmayıb. Məndən çıxmayıbsa, deməli, yüz faiz belə şey yoxdu. Kimsə ağlına gələni danışırsa, gülünc şeydi”.

“Seleksiya işlərimiz davam edir, amma çətinliklərimiz var. Heyəti genişləndiririk ki, bu yöndə də oyunçularla danışıqlar davam edir. Hazırda baxışda olan bir neçə əcnəbi futbolçumuz da var. Heç biriylə yüz faiz razılıq yoxdu, yəni müqavilə imzalanmayıb. Müəyyən şərtlər danışılıb. Amma konkret müqavilə yoxdu. Son yoxlama oyunlarına qədər onları baxışdan keçirməyi düşünürük. Çünki yekunda hesabat verəcəyik. Yerli oyunçuların iki-üçü baxışdadı, bir neçə gün ərzində onlarla bağlı da qərar verəcəyik. Avqustun 30-da "Karvan"la oyun, sentyabrın 5-6-da daha bir yoxlama oyunu alınsa, yaxşı olar. İşimiz plan üzrə gedir. Düzdü, istədiyimiz transferləri tam edə bilməmişik. Buna baxmayaraq, pis demək olmaz. Rəhbərlik bu baxımdan çox dəstək verir, ancaq maliyyə məsələsində çətinliklər var. Oyunçular yüksək məbləğ tələb edir, bu da əslində anlaşılandı. Sadəcə, ayrılan büdcəyə uyğun gəlmədiyinə görə biz elə transferlər edə bilmirik”.