Konfrans Liqası
pley-off, cavab oyunu
Zirə - Omoniya (C.Kipr) 1:0 (0:0)
97. Tyaqo Silva
32. Qismət Alıyev (k)
3. Ange Mutsinzi
4. Ruan Renato
7. Məqsəd İsayev
(16. Fuad Bayramov, 87)
15. Pyer Zebli
(28. Abbas İbrahim, 61)
29. Ceyhun Nuriyev 
(10. Georgi Papunaşvili, 61)
6. Eldar Quliyev
(14. Elçin Əlicanov, 76)
90. Davit Volkov
(11. Rüstəm Əhmədzadə, 61)
19. Salifu Suma
23. Rafael Utziq
Ehtiyat oyunçular 
15. Aydın Bayramov
99. Səlim Həşimov
5. Stefan Aka
Baş məşqçi: Rəşad Sadıqov

40. Fabiano Freytas (k)
24. Amin Xammas
4. Filip Helander
5. Senu Kulibali
(22. Adam Lanq, 73)
2. Alfa Dinku
(17. Yoannis Masuras, 63)
11. Evandro
(33. Mateuş Musialovski, 80)
20. Mateo Mariç
80. Novika Erakoviç
(31. Yoannis Kosulos, 63)
21. Veliko Simiç
(99. Saydu Alium, 63)
10. Omer Atsili
9. Andronikos Kakullis
Ehtiyat oyunçular 
23. Fransis Uzoho
98. Xaralampos Kiryakidis
7. Villi Semedo
14. Mariuş Ştempinski
74. Panayotis Andreu
81. Andreas Nikolao
85. Angelos Neofitu
Baş məşqçi: Valdas Dambrauskas

Qol: R.Utziq, 79 (M.İsayev).
Vərəqələr: Evandro, 38. Q.Alıyev, 65 - sarı.
Hakimlər: VİTALİ SPASYONNİKOV, Raymond Tatrix, Artur Şakurov, Aleksandr Anufriyev (hamısı Latviya).
VAR hakimi: Andreys Qluxovs (Latviya).
VAR hakiminin köməkçisi: Yevgenis Keziks (Latviya).
UEFA nümayəndəsi: Stjin Utsebaut (Belçika).
Hakim-inspektor: Karel Vidlak (Çexiya).
29 avqust. Bakı. “Liv Bona Dea Arena”. 1700 tamaşaçı.
Yalnız ikinci hissəyə 4 dəqiqə əlavə olunub.
İlk oyun - 0:6.

5 (2) qapıya (“çərçivə”yə) zərbə 2 (0)
4 künc zərbəsi 3 
2 ofsayd 2 
11 qayda pozuntusu 17
1 (0) sarı (qırmızı) vərəqə 1 (0)
61 topa sahibolma (faizlə) 39

Bu mövsüm avrokuboklarda ölkəmizi layiqincə təmsil edən iki komandadan biri “Zirə” oldu. Əlbəttə, Nikosiyadakı keçirilən ilk matçdakı 0:6 hesablı məğlubiyyət istisnadı. Buna baxmayaraq, cavab görüşündə rəqibi məğlub etməyi bacaran Rəşad Sadıqovun komandası bu il ölkə reytinqinə 1,250 xal qazandırdı ki, bu da "Qarabağ" (hələ ki), "Sabah" və "Sumqayıt"ın töhfəsindən (toplam 1,125 xal) daha çoxdu. 0:6-dan sonra onsuz da geridönüş gözləmək mümkünsüz idi. Ona görə də “Omoniya” ilə cavab matçı formal xarakter daşıyırdı. Artıq cütün taleyi həll olunduğuna görə gərgin mübarizə şəraitində bir matç izləməyəcəyimi təxmin etmişdim. Belə də oldu.

Topa nəzarətin “qartallar”da olması fonunda keçən bir 90 dəqiqəyə şahidlik etdik. Kipr yunanları evdə istədiyi nəticəni əldə etdiyinə görə Mərdəkanda gücünə qənaət etmək yolunu tutdu. Onlar ara-sıra əks-hücuma da çıxırdı. Belə hücumların biri 19-cu dəqiqəyə təsadüf etdi. Amma Renato Kakullisin qapı önündə təhlükə yarada biləcək ötürməsinin qarşısını aldı. Bir qədər sonra Mariçin uzaq məsafədən zərbəsi qeyri-dəqiq oldu. 27-ci dəqiqədə Ceyhunun zərbəsindən sonra top düz qapıçının üstünə getdi. 34-cü dəqiqədə Sadıqovun yetirmələri oyundakı ilk real qol vəziyyətini yaratdı. Məqsədin sol cinahla irəliləyərək cərimə meydançasına göndərdiyi ötürməni Volkov qeyri-dəqiq zərbəsiylə qapının üstündən atdı.

2-ci hissədə “Zirə” ön xətdə daha fəallaşdı. 60-cı dəqiqədə Qismətin qapı önünə göndərdiyi topa bu dəfə Volkov yaxın məsafədən qeyri-dəqiq zərbə endirdi. 70-ci dəqiqədə Suma qonaqlara soyuq tər axıtdı. Gənc futbolçunun Xammasdan sıyrılaraq “çərçivə”yə göndərdiyi zərbə Helanderə toxunub istiqamətini dəyişərək yan dirəyə tuş gəldi. “Qartallar” çox istədiyi qolu 79-cu dəqiqədə vurdu. Məqsədin cərimə meydançasına asmasından sonra Utziq başla topu tora qovuşdurdu - 1:0. Qoldan ruhlanan meydan sahibləri ikinci qol üçün də irəli atıldı. 83-cü dəqiqədə Renatonun müdafiənin arxasına göndərdiyi ideal ötürmədən sonra qapıçıyla təkbətək çıxan Utziq Helanderlə mübarizədən məğlub ayrıldı. Beləliklə, “Zirə” 1:0 ilə başladığı avrokuboklardakı çıxışını elə minimal hesablı qələbə ilə də bitirdi. 

Gözdən qaçmadı
* Stadionda arzulanan ab-hava yox idi. Təkcə “qartallar”ın dəstək şüarları stadionun hər küncündən eşidilirdi. Fanklub “Zirə”yə zirvə çox yaraşır”, “Qartal yanında”, “Evdə, uzaqda, hər zaman səninlə - 2014”, “Zirə Qartallar Ultras Welcome” kimi pankartlar açmışdı. Oyundan sonra futbolçular azarkeşlərə yaxınlaşaraq təşəkkür etdi.
* Utziq cari mövsümdə avrokuboklarda 5-ci qolu vurdu, yəni “Zirə”nin qarşılaşdığı bütün rəqiblərin qapısından qol keçirməyi bacardı.
* Rəqibin baş məşqçisi oyunu təmkinlə izləsə də, Rəşad Sadıqov həmişəki kimi oyunçuları yönəldir, emosional davranırdı.
* Ölkə çempionatınıən “Şamaxı” ilə oyununda zədələnən Junior Martinsin adı iştirak ərizəsinə salınnmamışdı. Futbolçu zədəsinin ağır olduğunu və böyük ehtimalla əməliyyat olunacağını bildirdi.

KAMAL SƏFƏR