“Omoniya” sabah səfərdə Konfrans Liqasının pley-off mərhələsi çərçivəsində “Zirə”ylə cavab matçına çıxacaq.

“Football-plus.az” xəbər verir ki, “yaşıllar”ın baş məşqçisi Valdas Damrauskas oyundan öncə keçirilən mətbuat konfransında iştirak edib və jurnalistlərin suallarını cavablandırıb:

- İlk oyundan sonra futbolçuları konsentrasiya etmək çətin idi?
- Konsentrasiya yüksək səviyyədə idi. Bizi daha çox yoran ilk oyundan sonrakı qələbənin təsirindən çıxmaq idi. Elə həmin oyundan sonra çempionatda çıxdığımız görüşdə də çətinliklə qələbə qazandıq. Sabahkı oyuna gəlincə, oyunçularımı motivaisya etməyə ehtiyac yoxdu. Onlar kifayət qədər yaxşı motivasiyayla oyuna çıxacaqlar.

- Sizcə rəqib ilk oyundakı məğlubiyyətdən sonra sabahkı oyunda özünü doğrulda biləcək?
- Buna şübhəm yoxdu. Rəqib ambisiyalı komandadı. Baş məşqçiləri də ambisiyalıdı. Belə hallar baş verdikdə çalışırsan ki, növbəti matçda hər şeyi düzəldəsən. Rəqibin zəif bizim isə güclü tərəflərimizdən istifadə edərək, qələbə qazanmağa çalışacayıq.

- Nəticəni nəzərə alsaq, digər oyunçulara daha çox vaxt verməyi düşünürsüz?
- Bu oyunun gediaştından asılıdı. Nəticə qazanmaq üçün hansı oyunçular lazımdısa onlar da meydanda olacaq. Nəticə seçimi bizim üçün ən önəmli məqamdı. Heyət seçimimiz də nəticəyönümlü olacaq.

- Bu il avrokuboklardakı bütün oyunlarda qələbə qazanmısız. Uğurunuzun sirri nədi?
- Davamlı uğurlu çıxışımızın səbəbi kompleks faktorların məcmusudu. Oyunçuların motivaisyası qələbə qazanamq istəyi, hər dəfə növbəti oyunlara köklənirik. Çalışdığımız oyunçuların performansından razıyıq. Burda rəhbərliyin də bizə yaxşı dəstəyi göz önündədi. Azarkeşləri də qeyd etmək istərdim. Avropada ən yaxşı azarkeş kütləsinə sahib klublardan biriyik. İstənilən rəqib bizimlə doğma meydanımızda əziyyət çəkir.

KAMAL SƏFƏR