“Hər iki komanda ilk turda bir-biri ilə görüşəcəyindən, sirli qutu kimi qalmaq istəyir” - Arif Əsədov
Yay toplanışı zamanı keçirdiyi sınaq matçlarını yayınlamayan və buna qarşı çıxan klublar “Neftçi” ilə “Turan Tovuz” oldu.
“Football-plus.az” xəbər verir ki, hər iki klub məşq prosesinin gizli qalması yönündə də ciddi səy göstərdi. Fəqət avrokuboklarda iştirak etməyən təmsilçilərimizin belə addım atması maraq doğurdu. Bu gizlilik çempionat üçündüsə, onsuz da 1-2 turdan sonra hər şeyə aydınlıq gələcək. Komandaların bu məxfi əməliyyatlarında bəlkə də bizim bilmədiyimiz xüsusi bir məqam var? Bu suala cavab tapmaq üçün təcrübəli mütəxəssis Arif Əsədovla danışdıq:
“Bu məsələyə hər məşqçinin baxış bucağı fərqlidi. Bir də bu ehtimal var ki, hər iki komanda ilk turda bir-biriylə görüşəcəyindən, sirli qutu kimi qalmaq istəyir. Çünki hər iki komandanın baş məqşçisi yenidi. Həm Roman Qriqorçuk, həm də Kurban Berdıyev istəmir ki, komandanın oyununu kimsə görsün. Ancaq qeyd etdiyiniz kimi, artıq Azərbaycan çempionatında komandalar bir-biriylə 4 dəfə görüşəcək və getdikcə bütün xəritələr açılacaq. Ola bilər ki, sadəcə, ilk turla bağlı belə addım atıblar”.
KAMAL SƏFƏR
Digər xəbərlər
