Türkiyənin Ərzurum bölgəsində təlim-məşq toplanışını davam etdirən “Neftçi” şənbə günü növbəti yoxlama matçını keçirib.

Roman Qriqorçukun rəhbərlik etdiyi “ağ-qaralar” Türkiyənin 1-ci liqa təmsilçisi “Ərzurumspor”la qarşılaşıb. Oyunda qapılara yol tapılmayıb – 0:0.

Ukraynalı baş məşqçi Emin Mahmudov və Filip Ozobiç kimi aparıcı oyunçularla yanaşı, yeni transferlərdən Ramil Şeydayevlə Edvin Kuçun da adını iştirak ərizəsinə salmayıb: 93. Rza Cəfərov (q), 2. Qara Qarayev, 3. Höccət Haqverdi, 7. Azər Əluyev, 11. Kilan Lebon, 13. Emil Səfərov, 19. Azər Salahlı (k), 27. Fərid Yusifli, 44. Yuri Matias, 77. Yeqor Boqomolski, 91. Ağadadaş Salyanski.

Ehtiyat oyunçular: Emil Balayev (q), Rəvan Kazımov (q), Mark Tamaş, Lukas Melano, İsmayıl Zülfüqarlı, David Orucov, Elcan Əbilov, Samir Həsənov, İbrahim Novruzov, Samir Həsənov, Murad Məmmədov.

Xatırladaq ki, paytaxt təmsilçisi bu vaxta qədər Ərzurumda keçirdiyi yoxlama matçlarında “Alanyaspor”la (3:1) “Sivasspor”a (2:1) qalib gəlməyi bacarmışdı. İyulun 26-na qədər Türkiyədə hazırlığı davam etdirəcək “ağ-qaralar” daha bir sınaq matçı keçirməyi planlaşdırır.

Yeri gəlmişkən, paytaxt təmsilçisi yay fasiləsində növbəti transferini reallaşdırıb. Yeni transferlə bağlı klubun sosial şəbəkə hesablarında videoçarx paylaşılsa da, kimliyi hələ açıqlanmayıb. Lakin redaksiyamıza daxil olan bilgiyə görə, “ağ-qaralar”ın yeni siması almaniyalı müdafiəçi Robert Bauerdi. Futbolçunun sonuncu dəfə Səudiyyə Ərəbistanında “Əl-Tai”nin formasını geyib. Robert karyerası ərzində Almaniyanın “Verder”, “Nürnberq”, “İnqolştadt”, Rusiyanın “Arsenal”, Belçikanın “Sent-Truden” klublarında forma geyib, həmçinin Almaniyanın U-20 və U-21 yığmalarında çıxış edib.

KAMAL SƏFƏR