ABŞ və Fransa Olimpiadaya daha geniş heyətlə qatılacaq
Cəmi 6 gündən sonra Parisdə növbəti Yay Olimpiya Oyunları start götürəcək. Əksər idman növlərində iştirakçıların yekun siyahısı açıqlanıb. ABŞ yığması 2012-ci ildən bəri ən böyük sayda nümayəndə heyətinə malik komanda statusunu qoruyur. Hələ ki amerikalıların iştirak ərizəsində 593 atletin adı var, ancaq qarşıdakı günlərdə bu sayın 600-ü aşması mümkündü.
Ənənəvi olaraq, təşkilatçı ölkə də Oyunlarda böyük nümayəndə heyəti ilə təmsil olunur. Əsas səbəb odu ki, təşkilatçı ölkə komanda idman növlərində avtomatik iştirak haqqı qazanır. Bu da iştirakçı sayına dərhal təsir göstərir. Üstəlik fərdi növlərdə də yerli idmançılar üçün kvota var. Aşağıdakı siyahıdan da göründüyü kimi, Fransa yığmasının heyəti Tokio Olimpiadası ilə müqayisədə 200 adam artıb. Onlar tarixlərinin ən böyük komandası ilə Oyunlara qatılacaq, bununla belə, yenə də Amerikadan geridədilər. Daha bir önəmli məqam odu ki, istənilən yeni idman növündə Amerika lobbisinin təsiri altında olimpiya proqramə dəyişir.
Çin yığması da illərdi effektli nəticələrə nail olur. Bu ölkənin yığması 2000-ci ildən bəri daim medal sıralamasında ilk “3-lüy”ə düşür. Hindistanın əhali sayına uyğun olmayan təmsilçiliyi də maraq doğurur. Dünyanın ən çox əhaliyə malik ölkəsi bir çox idman növlərində tərəqqi etməsinə baxmayaraq, hələ də Olimpiadaya, məsələn, Niderlandla müqayisədə iki dəfə az iştirakçı göndərir. Belədə istər-istəməz Beynəlxalq Olimpiya Komitəsinin (BOK) və beynəlxalq federasiyaların kimlərinsə maraqlarını lobbiləşdirməsi ilə bağlı suallar yaranır.
BOK-un sponsorları ilk növbədə yarışlarda amerikalıların qələbəsini görmək istəyir. Düzdü, Tokioda ABŞ yığması yüngül atletikada və oyun idman növlərində fiasko yaşadı. Amerikalılar komanda hesabında 1-ci yeri yarışların sonuncu günündə Çindən qopara bildi. Ancaq Parisdə hər şey onların daha inamlı və rahat qələbəsindən xəbər verir. Olimpiadada medal proqnozlaşdırılması ilə çoxdan və uğurla məşğul olan “Gracenote” agentliyi güman edir ki, Amerika idmançıları Paridə vacib psixoloji hədd olan 120 medal səddini aşmağa qadirdi. Çindən başqa istənilən ölkə üçün isə medal sayında 60+ arzuların zirvəsi sayılır. Əlbəttə, ABŞ-də idmanın əksər növlərinin çox yüksək səviyyədə olduğunu da etiraf etmək lazımdı.
Bu arada BOK-un prezidenti Tomas Bax Olimpiada ilə bağlı idman ictimaiyyətinə müraciət edib:
“Bütün dünyada milyardlarla adan səbirsizliklə Paris Olimpiadasının startını gözləyir. Dünyanın çoxsaylı münaqişələr və fikir ayrılıqları üzündən parçalandığı bir vaxtda. Belə geosiyasi vəziyyət fonunda son illərdəki səylərimiz bizə bütün 206 Milli Olimpiya Komitəsinin idmançılarını, eləcə də qaçqınların komandasını dinc yarışlarda birləşdirməyə imkan verdiyinə görə şadıq”.
1996-cı ildən bəri Oyunlarda idmançı sayı
1996 2000 2004 2008 2012 2016 2021 2024
ABŞ 646* 586 533 588 530 554 615 593
Fransa 299 336 308 323 330 401 385 573*
Avstraliya 417 617* 470 433 410 421 478 460
Almaniya 485 422 441 463 392 422 425 427
Çin 294 261 384 639* 396 416 406 405
Yaponiya 306 266 306 332 295 338 556* 404
İspaniya 289 321 317 286 278 305 321 382
İtaliya 340 361 364 344 285 314 381 360
B.Britaniya 300 310 264 311 541* 366 376 327
Kanada 303 294 263 332 277 314 381 318
Braziliya 225 205 243 277 258 465* 301 277
CAR 84 127 106 136 125 138 179 149
Hindistan 49 65 73 67 83 117 122 113
Azərbaycan 23 31 37 44 53 56 44 48
cəmi 10320 10651 10625 10942 10768 11238 11319 10673
* Olimpiadanın təşkilatçısı.
“Gracenote” şirkətinin Paris Olimpiadası üçün medal proqnozu
qızıl gümüş bürünc cəmi 2020
ABŞ 37 34 52 123 113
Çin 36 29 22 87 89
Fransa 29 17 10 56 33
Niderland 17 8 9 34 36
B.Britaniya 14 25 23 62 64
Avstraliya 13 22 13 48 46
Yaponiya 12 13 21 46 58
İtaliya 11 20 15 46 40
Almaniya 10 12 15 37 37
Koreya 8 5 16 29 20
Digər xəbərlər
