Tarixində ilk dəfə nəhəng turnirdə - Avropa çempionatında çıxış edən Gürcüstan yığmasının üzvləri vətəndə böyük alqışlarla qarşılanıblar.

Onlar artıq dövlət səviyyəsində zəhmətinin bəhrəsini görüblər. Gürcüstanın prezidenti Salome Zurabişvili qrup mərhələsini adlayaraq 1/8 finala çıxan komandanın üzvlərini qəbul edib. Qəbuldan sonra Azadlıq meydanında quraşdırılan səhnədə futbolçular, məşqçilər və yerli federasiyanın rəsmiləri mükafatlandırılıblar. Onlar mərasimdə Şərəf ordeninə layiq görülüblər. Mükafatı futbol adamlarına şəxsən prezident Zurabişvili təqdim edib.