3-cü tur
Avropa çempionatında iyunun 24-26-sı aralığında keçirilən 10 oyunla qrup mərhələsinə yekun vuruldu. Nəticədə iyunun 29-u - iyulun 2-si aralığına təyin olunan 1/8 finalda cütlər belə formalaşdı: İsveçrə - İtaliya, Almaniya – Danimarka, İngiltərə - Slovakiya, İspaniya – Gürcüstan, Fransa – Belçika, Portuqaliya – Sloveniya, Rumıniya – Niderland, Avstriya – Türkiyə.

B qrupu
N 27. Xorvatiya - İtaliya 1:1 (0:0)

1. Dominik Livakoviç
4. Yoşko Qvardiol
3. Marin Ponqraçiç
6. Yosip Şutalo
2. Yosip Stanişiç
8. Mateo Kovaçiç
(18. Luka İvanuşets, 70)
11. Marselo Brozoviç
10. Luka Modriç (k)
(7. Lovro Mayer, 81)
15. Mario Paşaliç
(16. Ante Budimir, 46)
9. Andrey Kramariç
(22. Yosip Juranoviç, 90)
25. Luka Suçiç
(14. İvan Perişiç, 70)

Ehtiyat oyunçular
12. Nedilko Labroviç
23. İvitsa İvuşiç
5. Martin Erliç
17. Bruno Petkoviç
19. Borna Sosa
20. Marko Pyatsa
21. Domaqoy Vida
24. Marko Paşaliç
26. Martin Baturina
Baş məşqçi: Zlatko Daliç

1. Canluici Donnarumma (k)
5. Rikkardo Kalafyori
23. Alessandro Bastoni
13. Matteo Darmian
(20. Mattia Zakkanyi, 81)
8. Jorjinyo
(21. Nikolo Facoli, 81)
3. Federiko Dimarko
(14. Federiko Kyeza, 57)
10. Lorentso Pelleqrini
(7. Davide Frattezi, 46)
18. Nikolo Barella
2. Covanni Di Lorentso
19. Mateo Retegi
11. Cakomo Raspadori
(9. Canluka Skamakka, 75)

Ehtiyat oyunçular
12. Qulyelmo Vikario
26. Aleks Meret
4. Alessandro Buoncorno
6. Federiko Qatti
15. Raul Bellanova
16. Brayan Kristante
17. Canluka Mançini
22. Stefan Əl-Şaaravi
24. Andrea Kambyaso
25. Maykl Folorunşo
Baş məşqçi: Luçano Spalletti

Qollar: L.Modriç, 55 (1:0). M.Zakkanyi, 90+8 (1:1).
L.Modriç 54-cü dəqiqədə penaltidən yararlana bilməyib (qapıçı).
Vərəqələr: L.Suçiç, 24. L.Modriç, 60. L.İvanuşets, 73. M.Ponqraçiç, 78. Y.Stanişiç, 82. M.Brozoviç, 90+1. R.Kalafyori, 90+3. N.Facoli, 90+6 - sarı.
Hakimlər: DANNİ MAKKELİ, Hessel Steeqstra, Yan de Vris (hamısı (Niderland).)
VAR hakimləri: Rob Diperink, Pol van Bukel (hər ikisi Niderland), Bastian Dankert (Almaniya).
24 iyun. Leyptsiq. “Red Bull Arena” stadionu. 38322 tamaşaçı (40000 yerlik).
Birinci hissəyə 1, ikinci hissəyə 8 dəqiqə əlavə olunub.
Oyunun ən yaxşısı: Luka Modriç.

oyunun statistikası
6 (4) qapıya (“çərçivə”yə) zərbə 13 (3)
18 qayda pozuntusu 6
2 künc zərbəsi 11
0 ofsayd 2
6 (0) sarı (qırmızı) vərəqə 2 (0)
51 topa sahibolma (faizlə) 49
519 (461) ötürmə (dəqiq) 566 (494)
121,1 məsafə (km) 123,3

Albaniya ilə oyunun (2:2) son saniyələrində qələbəni əldən verməklə işini çətinə salan Xovatiya yığmasına İtaliyaya qalib gəlmək hava-su kimi lazım idi. “Skuadra adzurra” qitənin son çempionu olsa da, balkanlılar üçün düşərli rəqib sayılırdı. Belə ki, İtaliya Xorvatiyaya qarşı keçirdiyi son 8 oyunda qələbə üzü görməmişdi (3 heç-heçə, 5 məğlubiyyət). Deməli, apenninlilər Leyptsiqdə həm də uğursuz seriyaya son qoymağa çalışacaqdılar. Hərçənd onları pley-offa vəsiqə qazanmaq üçün heç-heçə də qane edəcəkdi.

Xorvatların ilk dəqiqələrdən topa daha çox sahib olması və hücum əməliyyatlarına meyil etməsi gözlənilən idi. Qapıya ilk dəqiq zərbəni Suçiç endirdi və Donnarumma komandasını qoldan xilas etdi. Kramariçin zərbəsinin qarşısını isə Darmian aldı. İtaliya yığması tədricən üstünlüyü ələ alaraq Livakoviçin qoruduğu qapı qarşısında gərginlik yaratmağa başladı. Lakin ilk hissədə Bastoni ilə Modriçin cəhdlərini qapıçılar heçə endirdilər. Fasilədən sonra balkanlılar Frattezinin əllə oynamasına görə penalti vurmaq hüququ qazandılar. Modriç Donnarumma ilə dueldən məğlub ayrıldı. Lakin xorvatların növbəti hücumu qolla nəticələndi: bu dəfə rəqib qapıçı Budimirin zərbəsini dəf etdi, Modriç təkrar zərbə ilə toru silkələdi. O, 38 yaş 289 günlüyündə qapıya yol tapmaqla Avropa çempionatlarının tarixinə ən yaşlı qol müəllifi kimi düşdü! AÇ-2008-də Polşaya 38 yaş 257 günlüyündə qol vuran avstriyalı İvitsa Vastiçin rekordunu yeniləyən Modriçin komandası bundan sonra əsasən qələbə hesabını qorumağa çalışdı. Balkanlılar uzun müddət bu vəzifənin öhdəsindən gəlsələr də, Luçano Spallettinin hücum xəttini gücləndirməsi sonda bəhrə verdi. Zakkanyinin bərabərlik qolu İtaliyanın Xorvatiya sindromunu qırmasa da, “damalılar”ın qitə çempionatını erkən tərk etməsini rəsmiləşdirdi.