“Qəbələ” yay hazırlığı dövründə komandada, eləcə də məşqçilər korpusunda dəyişiklikləri davam etdirir.

Artıq serbiyalı Miloş Yevtiçin “qırmızı-qaralar”ın uğurları üçün çalışacağı da bəllidi. Bunun baş məşqçinin istəyi əsasında olduğu heç kimə sirr deyil. Kaxaber Sxadadze 1-ci liqa üçün istədiyi heyəti qurarakən köməyə köhnə dostları çağırır.

Belə ki, Yevtiç “Qəbələ”də birgə çalışacağı gürcü mütəxəssislə illər əvvəl “İnter”də də əməkdaşlıq edib. Sxadadze ilə növbəti işbirliyi Qazaxıstanda - “Kayrat”da çalışarkən olub. Gürcüstan milli komandasında da birgə fəaliyyət göstərən tanışların yolları növbəti dəfə yenə Qazaxıstanda, bu dəfə “Kaspi” də kəsişib. Serb mütəxəssis ötən yay “Araz-Naxçıvan”dan aldığı yağlı təklifə “yox” deməyərək Azərbaycana gəlir. Bir il çalışdığı Naxçıvan klubundan köhnə dostuna görə ayrılmalı olur. Kaxaberin istəyi ilə Qəbələ yollanan Yevtiç 3 il fiziki hazırlıq üzrə məşqçi fəaliyyət göstərəcək.

Maraqlı məqam budu ki, aşağı liqaya yubarlanan klub əcnəbi futbolçularla bağlı yaranan maliyyə sıxıntısını əcnəbi məşçilərə münasibətdə hiss etmir. Son vaxtlar “qırmızı-qaralar”dan ayrılan yerli mütəxəssisin əvəzinə əcnəbilərin gəlməsi heç də təsadüfi deyil.

Xatırladaq ki, Yevtiç ilk dəfə 2018-ci ilin iyunundan 2020-ci ilin yayına qədər də “Qəbələ”də çalışıb.

RÖYANƏ OĞUZ